[حسام المصرى]

انا هتكلم عن نفسى ..

الحمد لله انا طول عمرى بعتمد على نفسى فى المذاكرة .. مكنتش باخد دروس ..

يمكن فى ابتدائى بابا كان بيشرحلى سعات ..لكن فى الغالب بذاكر لوحدى ..

فى ابتدائى واعدادى اعتمادى كان على الكتب الخارجية .. احضر الحصص فى المدرسة وأرجع أحل تمارين الكتب الخارجية واتأكد من الإجابات .. والحمد لله كنت بجيب درجات كويسة ..

فى إعدادى الوضع اتحسن كتير بالنسبالى .. كنت فى مدرسة خاصة كبيرة وكان المدرسين بيحلوا معانا فى الكتبا لخارجية و بيدونا تمارين كتير وبيحلوها معنا فكنت بلاقى المذاكرة كتير سهلة ..

فى الثانوية العامة تقريبا ابتدت تتشكل عندى طريقة المذاكرة ..

يعنى بحب المكان يكون هادى جدا جدا .. أغلب الوقت كنت بذاكر بليل بحيث الأهل يكونوا ناموا ..

كنت بعد فى صالتنا على السفرة او ترابيزة الطعام وأجيب كل ما بتعلق بالمادة لاللى هذاكرها وأحطهم بنظام وأفتحهم كلهم .. وأبتدى اقرى الفصل من كذا كتاب وادون الحجات كلها فى ورق .. بحيث لما أجى أذاكر على الآخر ألاقى كل حاجة تمام ..

بعدين بفتح الامتحانات وبحل جميع الأسئلة اللى تتعلق بالفصل اللى ذاكرته برده فى ملخصاتى ..
أنا من النوع اللى بيحب يخطط كتير فى الكتاب على أى حاجة حتى لو كانت تافهة ..هههههههههه


عشان لو حد بص فى الكتاب يقول أنى مذاكر ..

وقت الصبح كنت بذاكر على السرير طبعا ودى هوايتى .. سعات انام على مخدتى وأمسك الكتاب وأعد أقرى فيه ..
والطريقة دى مستمرة معايا لحد الجامعة لكن الكفاءة بتاعتها قلت لأنى فى الجامعة بذاكر قبل الامتحان مباشرة .. بس الحمد لله بجيب تقدير كمان ..

بحب كتير قبل مبدا اعمل كباية شاى وانا بشربها ببتدى أتصفح المادة من بعيد ..
كمان لازم زجاجة مياة تكون موجودة جنبى .. وبفضل أذاكر لحد لما أخلص الحاجة اللى انا عايزها ..

لما كنت أحب أريح .. كنت بسيب المذاكرة وأنام على ضهرى على اى مكان حتى لو الأرض وأغمض عينى وآخد شهيق وزفير .. عشان مخى يتنشط أكثر واعود أكمل مذاكرة ..

الحمد لله بذاكر وأنا مرتاح يعنى مبكونشى قلقان وده بيخلينى أنجز بسرعة

مواد الحفظ لازم أجيب ورقة وقلم ... هههههههه وأعد أقرى وأكتب اللى حفظته مرة نقل .. ومرة من دماغى ومرى بسمعه ... ولما أذاكر جزء بعديه .. برجع أسمعه تانى ..


كنت بستعين فى المذاكرة بالصور يعنى أرسم حجات بحيث أنى لما أذاكر أبقى فاكر كل حاجة من خلال الرسم اللى رسمته ودى طريقة كتير كويسة ..


كمان تلخيص الباب من خلال شجرة بسيطة تحتوى على كل ما فى الباب على هيئة نقاط .. بحيث لما أخلص الباب وابص بس للشجرة دى أتذكر كل شئ ..

أصعب وقت مر بالنسبالى .. يوم مذاكرة الفيزيا فى الثانوية العامة ..

كان عندنا قبل الامتحان بتاع الفاينال 5 أيام .. لان الفييا فى مص رمادة صعبة كتير وامتحانتها رخمة أوى .. وكل سنة لازم يخصصوا مقال .. الفيزيا مذبحة .. الفيزيا محرقة لطلاب الثانوية العامة غير عدد اللى بينتحروا بعدها لأنها بتطير مجموعهم

فمكنتش مهيئ نفسيا للامتحان وكان بيجيلى حالات دوخة كتير وقت الامتحان ده .. ورحت للدكتور وادانى علاج .. وماما افتكرت أنى محسود .. ده غير باب كنت فاكر أنى فهمه ولما جيت أذاكره يوم الامتحان لقيت أنى مش فاهم فيه أى شئ كان بتاع الترانزيستور .. وقلت لماما أنا مش هدخل الامتحان قالتلى متدخلش .. صراحة كانت أوقات عصيبة جدا ..

الحمد لله دخلت الماتحان كان صعب بس حليت وجبت كمان 50 من 50 ..ههههههههه .. وكانت أكبر فرحة ..

لحد أولى ثانوى كنت بنام بدرى أوى .. آخرى الساعة 9 ونص .. لكن لما دخلت ثانوى ابتديت أطول وفى الجماعة بصبح عشان ألحق أخلص ..

لكن يوم الامتحان ده لازم أنام بدرى النوم بدرى والله أفضل بكتير من انك توتر نفسك وتعد لحد الامتحان


الدحيح بالنسبالى هو الشخص اللى بيحفظ فى المذاكرة كل حاجة بيحفظها حتى لو مش فهمها ..

مش عيب أبدا أنك تكون بتذاكر كتير لأن ده عشان مستقبلك ومصلحتك ومحدش هينفع نفسه بالمذاكرة غير نفسك وأنك تحقق حلمك .. لكن أنك تدش بدون فهم وتبقى زى الآلة ..
هو ده مفهوم الدح بالنسبالى ..


والبنات ما شاء الله فى موضوع الدح ده ميتوصوش وعشان كده ..

معظمهم فى الرياضة والفيزيا والمواد العلمية تعبانين أوى .. لكن الولاد دماغهم حلوة ..


أغرب حالات المذاكرة ..÷ههههههههه

فى الكلية وأنا فى المدينة الجامعية 12 واحد فى شقة صغيرة وكان علينا امتحان صعب .. والجو كان حر أوى .. رحت خدت الترابيزة والكرسى بتاعى ودخلت أذاكرى فى المطبخ ..÷هههههههههه

والعيال صورونى وضحكوا ضح

بس والله كملت مذاكرة ..

كمان فى الكلية كان عندنا امتحان مادة كده من 50 درجة بس بتدخل فى الموضوع ..

كنت أنا و 5 من صحابى فى السينما ومكناش نعرف فيها أى شئ خدنا الكتب وقبل ما الفيلم يبتدى كنا بنذاكر وفى الاستراحة .. حتى لو رحت الحمام كنت باخد الكتاب معى ..

أصل الحفلة كانت منتصف الليل وكان فاضل سعات على الامتحان

وطبعا كلنا جبنا مقبول فى المادة .. بس نعمل ايه صاحبى حجزلنا من غير ما يقول .. هههههه

بالنسبة للغش ..
الحمد لله عمرى ما كنت بغش غير فى الكلية ومرات قليلة جدا

الدكتور بيستعبط بيبقى ..

جايب امتحان صعب جدا جدا وطويل ومنى متذكر أى شئ ولا عارف أحل شئ ..

تقريبا الدفعة كلها طلعت الكتب وقعدت أنقل المعادلات من الكتاب .. يمكن لأول مرة فى حياتى .. وجبت الدرجة النهائية فى الماتحان .. أنا كنت مذاكر بس مكنتتش فاكر أى حاجة مش عارف عليه ..

وطبعا جبت مقبول فى المادة مع أن اعمال السنة بتاعتى كانت عالية أوى ..

بس أصل الغش وحش وربنا مش بيوفق بيه والحمد لله بطلته خالص فى الكلية من سعتها واستغفرت ربنا .. بس حبيت أجربه ... ههههه



@_@