[ღ حورية فلسطين ღ]

عدنا

هاد يا جماعة موقف صار معي أيام التوجيهي يعني من شي 4 سنين بس مستحيل انساه على قد ما انحرجت فيه

كنا في يوم ما راجعين انا وصاحباتي تنتين من المدرسة مشي بيوتنا كانت قريبة من المدرسة

المهم طلعنا بهاليوم متأخرين من المدرسة وماكان في حدا بالشارع غير انا وصاحباتي ماشيين

انا شفت الشارع فاضي مافي ولا مخلوق خطر على بالي اركض بالشارع

ومش عارفة شو اجى عبالي بس هبل بعيد عنكم مع انو مو بعادتي استهبل بالشارع بس لقيتو فاضي يومها قلت لامانع من الهبل

وقلت لصاحباتي يلا نتسابق

هدوك ما صدقو خبر

ونروح نرفع عباياتنا ونركد بالشارع بطولنا الناقص والحلو بالموضوع انو انا سبقتهم ويارييييييييتني ما اتهورت


حضرتي متحمسة وركضت لوصلت لأخر الشارع وفجأة

لقيت سيارة قدامي فيها رجالين فارطين ضحك علي

انا كأنو حدا كب علي سطل مي ضليتني واقفة مصدومة ومو مستوعبة الموقف الغبي اللي انحطيت فيه وصرت احكي بيني وبين حالي من وين اجو هدول والله راقبت الشارع كويس انا ماكان في حدا

واتطلع على صاحباتي وراي الاقيهم مش ماسكين حالهم من الضحك على منظري وليومكم هاد كل ما اشوف صاحباتي قبل ما يسلمو علي بحكولي تتذكري الشارع الفاضي اللي ركضتي فيه





وياريتها وقفت لهون

وانا واقفة ومصدومة فجأة بسمع صوت واحد بحكيلي (برافووووووووو) شطورة

اتطلعت على مصدر الصوت لقيتو واحد قاعد بتفرج علينا من شباك بيتهم واتمنيت وقتها اني ماكنت موجودة على وجه الأرض


لأنو الهبل بهالبلد فضيحة مش هبل بصراحة

رجعت عالبيت بحكي لماما واخواتي سخسخو من الضحك وانا مازلت مصدومة ليومكم هاد