شوفي هو مش كل الأخوه نفس الشي ..
يعني متلاً أنا إلي 8 إخوه شباب .. الله يخلّيلي إيّاهم كلهم ..
بس مش كلهم عندي نفس الشي ..
متلاً أكبر واحد علاقتي معه مش بزياده .. عادي بحترمه مش أكتر .. يعني ما في بيناتنا تواصل كتير ..
التاني .. الله يسعده .. نوّاره .. بتفهمني .. بحب أسمع رأيه وبقتنع بكلامه لو شو ما كان ..
التالت .. بحبه وحنون بس مش متل اللي قبله ..
الرابع .. أحسن واحد .. بحب الكل ..
لهون كلهم أكبر مني ..
هلأ الخامس : أصغر منّي ب 4 سنين .. مع هيك بحسّه متل توأمي .. بحبه كتير وبشتقله .. بحكيلي كل أسراره تقريباً وأنا نفس الشي ..
السادس . . بحب يتفلسف .. أنا ويّاه شلا بلا .. بنختلف كتير بالآراء .. لأنه هو بحب يعارض شو ما بحكي ..
السابع .. ماشي حاله .. بس مرّات بكون زنخ وما بينطاق ..
وأخيراً حبيب قلبي جوجو .. بصف 11 بموت عليه .. أنا اللي إهتميت فيه من هو وصغير .. بحبه كتير .. وهو كمان بحبني ..
حنون .. كتير حنون .. وهو الوحيد اللي بجيبلي هدايا بعيد ميلادي .. هههههههههه ...
بس الغريب في الموضوع إنّي بأمّن وبرتاح أحكي مع إخوتي الشباب أكتر ما أحكي مع أختي الوحيده ..