[حسام المصرى]

اكتر شئ عجبنى فعلا .. موضوع السودانيين .. انا ليا صاحب سودانى وزى العسل والله .. هما فعلا كسولين جدا .. بس ولاد بلد وفيهم جدعنة المصريين ... وبيحبوهم جدا وده شئ عجبنى أوى بصراحة فيهم ..

بالنسبة للأردنيين والفلسطنيين فصراحة فعلا الأردنيين مزودنها أوى .. يعنى ماله الفلسطينى يا أردنى مهو شخص المفروض حتى لو كان مش كويس معاك سنة أنك تحترمه وتقدره عشان برده الظروف اللى بيمروا بيها بالأخص .. أنا أقسم بالله وغيرى كتير لو شاف فلسطينى لشيله فوق دماغى ...

وسمعت مثلا أن فى ماتش بين منتتخبى الأردن وفلسطين على ما أذكر كان الجمهور بيقولوا شارون هناك واحنا هون .. فد ه ميصحش خالص .. والمفروض الأرنيين لأنهم قريبين من الفلسطنيين يحبوهم كتير ..

كمان بعض القبائل الفلسطينية فى العريش للأسف لديها عصبيات كبيرة جدا .. من شهرين فى الرجنال عيلة كبيرة جدا فلسطينية تقريبا تاجر مصر عمل معاهم مشكلة راحوا ضربوه .. طبعا العريشية لما كل القبائل لأن اللى اضرب مصرى ومهمشى بقى مين الغلطان .. هو بيروح يضرب وخلاص ودى نقطة وحشة صراحة .. جدا ..

المهم طبعا اتعاركوا مع بعض بالسلاح ولكن الحمد لله حدث تصالح .. فياريت الفتنة محدش يوقظها

وفى الموضوع ده برده تقريبا سنة 1997 واحد مصرى صعيدى اضرب من مجموعة كوايتة .. لم المصريين اللى فى الكويت كلهم وكسروا نص محلات الكويت .. ههههههه وسعتها حصل تهجير لمعظم المصريين ودخلوا السجن قبل ما يترحلوا .. فده غلط ..

المفروض لو أنتا عندك اخلاق المسلم وشخص غريب فى بلدك تكرمه أكتر من اللى فى بلدك .. مش تقول يا عم ده غريب يعنى يوم ما يفكر يقل أدبه كلنا هنحط عليه ونبهدله زى ما بيحصل ..

التعصب موجود مننكرش ده وناس للأسف مش واخدة بالها من الحتة دى أنه موجود حتى بين محافظات البلد الواحدة يا فرفش ..

المصرى طبعا معروف هادى وما بيعمل مشاكل ودايما بيحب يصير الأول فى كل شئ .. اغلبهم كده الحمد لله .. وجدعان وبيحبوا الناس .. كلهم
وميزته طول منتا بتحترمنى أنا هحترمك وأقدرك وأكرمك .. هتقل أدبك عليا .. هكب ردماغى وأطنشك لكن لو زودتها هقل أدبى عليك وأطلع عينك ..

كان مرة راكب معانا واحد ليبى وما اكثرهم فى اسكندرية الآن .. مستفز جدا شغال يتكلم عن المصريين بطريقة مش كويسة .. والناس اللى فى الميكرباس كلها بتناقشه بهدوء وبتضحك والله .. مع أننا كلنا كنا عايزين نضربه ..

بس هو واثق أن المصرى مسالم ومش هيعمله شئ ..

لكن يا فرفوشة كلمة مصاروة دى عادى يعنى منتشره ما شئ فيها بيزعل خالص .. أساسا احنا بنقول على سكان القاهرة مصاروة .. والقاهرة بنقول عليها مصر .. فجت مصاروة دى كده مش أكتر ..


وبعدين اللى يفتخر بنفسه ده ويتنطط على الناس وأساسا هو معندهوش حاجة يفتخر بيها دى مش أخلاق إسلام خالص ..
لذلك سكوتك أحيانا لو استفزك شخص ما لانك مصرى أو فلسطينى .. أفضل من الجدال .. لأنه خير رد على السفيه السكوت ..
أصل كمان الشجرة المثمرة لا بد أن يقذفها الناس بالحجارة ... فكبر دماغك .. زى ما قالت دمعة أسى مش عيب تفتخر بنفسك .. وببلدك .. يعنى واحد مصرى مثلا أكيد عارف هو ايه وبلده دى تاريخها وحضارتها إزاى .. فهكبر دماغى

تعرفى يا فرفش المشكلة دى ممكن تتشال فى حالة واحدة بس ..
يبطلوا الغيرة والحقد .. اللى ما بينهم يلغوا ماتشات الكورة اللى هى أساسا سبب التعصب الكبير فى اغلب الأوقات ..

لنفترض مثلا صاحبك المصرى طلع الأول على المدرسة .. المفروض نفرحله كلنا ..
مصر فازت بكأس الأمم نفرحلها .. قطر فازت بتنظيم كأس العالم نفرحلها .. فالخير فى أى حاجة بيعدو على المسلمين كلهم ..

وأنا فى النطاق ده بحترم جدا دولة الإمارات الشقيقة .. بجد أخلاق ايه واحترام ايه وحب للجميع والله وعمرنا ما سمعنا مشكلة عصبية فيها .. بالعكس مقر لجميع المواطنين من دول العالم كله والعرب .. وكله بيشكر فيها وفى أخلاق أهلها ..

ياريت كلنا فعلا نكون مسلمين .. ونقتضى بالاماراتيين فى ده .. والدليل أن الإمارات رقم 1 عربيا من حيث التكنولوجى .. ونحن دول لانها للأسف انصرف للعصبية يقال علينا دول نامية ..

فبتمنى المسلمين لا يوقظوا الفتنة فهى نائمة لعن الله من أيقظها .. وتحياتى ليكى فرفوشة ..