[رماد الحب]

المشاركة الأصلية كتبت بواسطة حسام المصرى [color="royalblue"]هحكيلكم قصتى إن شاء الله ..

أنا الحمد لله كنت متفوق من وانا صغير ...
المهم فى الصف الأول الثانوى كان طموحى أنى ادخل كلية صيدلة وكنت حاببها جدا جدا صراحة .. وحاسس انها لايقة عليا جدا .....

طبعا عديت أولى ثانوى وطلعت الثانى على المدرسة من غير ماخد أى دروس خصوصية .. او مجموعات تقوية

ودخلت الصف الثانى الثانوى وكتبت علمى رياضه فى استمارة التنسيق برغم أنى كنت عايز أكتب علمى علوم ..
بس والدى قالى .. بص يمكن تجيب مجموع قليل يعنى 94 % فى تانية فمش هيبقى ليه لازمة فى تالتة ولا هيدخلك أى كلية قمة .. ( الثانوية العامة عندنا سنتين فى مصر .. بيهلكوا أى بيت مصرى وبيخلوه فى حالة طوارئ خصوصا لو كان أكثر من أخ مشترك فيها ) ..

المهم قلتله ماشى يا بابا .. ولو جبت مجموع حلو إن شاء الله هحول علمى علوم عشان ادخل صيدلة .. قالى أوك ..


المهم كنت بذاكر عادى زى أى طالب لانى مش من النوعية اللى بتدح كتير الحمد لله ... بس كنت واثق فى نفسى ..
قضيت سنة تانية وكنت خايف جدا .. بس صراحة دعواتتى وصلواتى لربنا بجد كانت سر حياتى .. كمان كان فيه تمرين صغير بعمله كده .. قبل منام كنت بكتب على صفحة بيضا أكثر من 30 مرة .. " أنا طالب متميز وهجيب 99 % " ..

العملية دى بتنشط المخ وكل خلايا الجسم أنها تحقق الهدف ده لأن المخ زى الكمبيوتر تديله فكرة وهو هينفذها ..


المهم امتحنت وجبت 99 % بالظبط فعلا .. 203 من 205 ... وكانت فرحة لا توصف وشكرت ربنا على المجموع طبعا ..
وجت سنة تالتة وقلت لبابا .. أنا عايز أحول علمى علوم بقى عشان أدخل صيدلة .. قالى على آخر الزمن تطلعلى بياع ولا دكتور فى مستشفى بمرتب 400 جنيه ... قلتله لا ممكن أشتغل فى مجال كذا وكذا .. المهم مقتنعشى خالص وقالى
أنا أدرى منك بالدنيا محتاجة ايه منك .. ولنفترض أنك وقعت فى تالتة وجبت 85 % .. هيبقى مجموع السنتين مش هيدخلنى ولا طب ولا صيدلة وبكده هكون خسرت ..

كان سعتها مشهور أوى كلية هندسة بترول وتعدين السويس اعلى كلية فى الوطن العربى بتاخد مجموع 99 % .. وطبعا عدد الكلية قليل جدا وهى الوحيدة فى مصر والشغل فى البترول مكسبه مضمون .. وكمان ماما كان نفسها أسمع كلام بابا ..

المهم تخليت عن حلمى وقررت اكمل علمى رياضه ..
الحمد لله ذاكرت وجبت أيضا 99 % .. وبمجموع السنتين والمستوى الرفيع .. جبت 100 % الحمد لله ..

إجابة السؤال الأولانى .. " تخليت عن حلمى .. وسمعت كلام والدى ودخلت كلية هندسة بترول وهصير بدل دكتور كحلمى .. مهندس إن شاء الله .. " بس انا مبسوط جدا وراضى الحمد لله باللى ربنا كتبهولى ..
حلمى إن شاء الله هيتحقق ..



بالنسبة للسؤال الثانى ومن جهة الاستمتاع بالدراسة فوالله الكلية فى السويس وأنا من اسكندرية .. فاتغربت .. واتبهدلت بمعنى الكلمة بعد ما كنت متعود على الراحة .. الدراسة مش ممتعة بس تعتبر التجربة أفضل تجربة لى فى حياتى .. الحمد لله ذاكرت ودخلت أول قسم فى الكلية كمان :shababsmile226:

بالنسبة انا متوقع ايه بعد التخرج .. فالحمد لله أنا متفائل جدا .. هخلص جيشى إن شاء الله .. بعدين هشتغل فى مصر سنة آخد خبرة .. بعدين أسافر السعودية أو الامارات أو قطر أشتغل هناك شوية إن شاء الله .. سنة وأرجع أخطب وأكتب كتابى .. :shababsmile226: ... بعدين أرجع الامارات تانى أكون نفسى أكتر وأرجع أعمل فرحى .. إن شاء الله ...

وكان فى دماغى مشروع كده إن شاء الله يتنفذ .. وهو استغلال القمامة والمخلفات فى أشياء كتير ..
هو أنا مش هقول فكرة المشورع بس فكرته جتلى لما كنت بحضر كورس وعرفت أن الصين ناوية تستورد زبالة من مصر .. الطن ب 6 آلاف جنيه ..

فطبعا احنا أولى بالزبالة دى نستغلها .. :shababsmile237:

ما شاء الله عليك يا حسام
دائما متميز