[الطالبة المتميزة]

السلام عليكم و رحمة الله و بركاته..
بعد السلام و الأشواق مضطرة أفوت للموضوع بشكل فوري..
مش عارفة شو أعمل

رح أحكيلكم القصة من الأول::






يوم الأربعاء كان علينا امتحان علوم لغوية خلصنا المتحان ع بكير فالمعلمة حكت بنجاوب الأسئلة المعلمة تجاوب و أنا راسي يلف و يدور تلت أرباع إجاباتي غلط يعني يمكن أجيب 20/30 حسب إجابات المعلمة و رحت ما أوقع من الدوخة و هي تتمسخر و تضحك بعدين حكيتلها يا ست..... ممكن تجاوبي بدون مسخرة عادت حل الأسئلة بس بنفس الإجابات و أنا خبيت بقلبي ما بقدر أبكي و هي موجودة بستحي
و روحنا ع الدار و رحت ما أوقع بنص الشارع و بالدار نمت و ما كان ع بالي أقوم من النوم و كان طبعاً علينا امتحان مطالعة شهرين لنفس المعلمة و كنت رح أروح ع المستشفى من وراها..أو أقدم امتحان المطالعة بدون دراسة و بوكل هوا..


تاني يوم رحت ع المدرسة و شكلي بالألوان..أجا وقت الامتحان و اللي بتنهي امتحان المطالعة تروح للمعلمة توخد امتحان العلوم اللغوية اللي اخدنا قبل بيوم..
وكم جبت بالامتحان؟؟؟؟؟؟؟؟؟؟؟؟































هي علامة سيئة بس بالنسبة للمتوقعة نعيم
جبت 27/30

و أنا عصبت و طق شرش الجنون عندي و صرت أحكي مع البنات بصفي بصوت عالي و أحكي (على اي أساس المعلمة حلت الأسئلة)

نطت المعلمة بالنص بتحكيلنا:شو ما لها مرام في غلط بالحسابات شي؟؟
حكيتلها::لا ما شي
بتحكي طيب ما لك معصبة و بتصرخي؟؟
مع أها معلمتي و متل ماما و على عيني و راسي بس كان نفسي أضربها كف أطيرها من وجهي
طبعاً كيف تشوف مرام زعلانة و معصبة و تسكت ما بصير مرام حبيبة قلبها








فحكيتلها بنبرة غضب و عصبية قريبة للصراخ::
أنتِ على أي أساس مبارح حليتي الأسئلة؟؟
حكتلي:نعم؟؟ مش فاهمة!!
حكيتلها:أنت مبارحة عاى أي أساس حليتِ الأسئلة؟؟؟؟؟؟
حكتلي::على أي أساس حليت إيش؟؟
جاوبتها::على أي أساس خلص خلص مش مشكلة..

بعدين المعلمة راحت و حسيتها زعلت
و في صاحبتي حكتلي الله يسامحك مرام ليش هيك زعلتي المعلمة و حكيتي معها بهالطريقة؟؟مهي كتير بتحبك و ما إلى آخره(حكي بنات يعني)







في النتيجة المعلمة زعلت و أنا هون مشكلتي مش عارفة اتأسف منها و لّا أبقى ماخدة منها موقف؟؟
مش عارفة ساعدوني رجاء
و المعلمة غالية عليّ كتير يعني مش شويّ بس بسببها كانت رح تبقى طووووول عمرها تدفع بالدية لا قدر الله يعني كان متت منها.







فرجاء حار مني إلكم تساعدني...و يمكن إذا أنت معلم/ة أو طالب/ة تعرف/ي تساعديني أكتر من غيرك





سلامااااااااااااات