[إسراء الفلسطينية]

اي كمان شغلة ..

لغتي العربية للأسف مش كل هل قد !

خصوصا اللغة الفصحى ..

يعني مثلا لما أكتب شي بالمنتدى

ممكن أقعد شي نص ساعة وانا أفكر يا هل ترى الجملة هيك مزبوطة..

وياما مرات أكون بدي أكتب كلمة ، وما بعرف شو معناها بالعربي

أكيد أغلبكم ما بيعرف هل شي ..

لانو أصلا صعب تعرفوه

مش بس بالكتابة ..

حتى لما أحكي .. مرات بتلخبط وبحكي كلمات ما الها صلة بالعربي أصلا

وبصيروا بتمسخروا عليّ ! :(

بس الحمد لله .. بعترف انو في غيري أضرب مني بكتير

لا بيعرفوا يكتبوا ولا يقرأوا عربي .. ولا حتى بيعرفوا يحكوآ !

المنتدى ساعدني كتير بتقوية لغتي العربية ..

لان قبل ما كنت أقرأ عربي كتير .. ولا حتى أكتب

الا لما يكون عنا وظيفة كتابة بالمدرسة العربية << بكون شي بسيط كتير ، يعني مش بهل مستوى العالي ..

//

بما انو عم نحكي عن اللغات

فبعرف غير العربي أحكي دنماركي ، انجليزي وفرنسي