رد: سؤال ..بدي مساعدتكم اذا حد بعرف ضروووووري
أهلاً أخ أنس
أول شي .. بالنسبة للجيش ,, فهون بالضفة ما عنا جيش فلسطيني
عنا أجهزة السلطة
وأجهزة أمنها متعددة
منها الامن الوقائي والمخابرات وحرس الرئاسة والضابطية الجمركية وغيرها ....
وفي عساكر مدنيين , طبعا كل عسكري يحمل شهادة جامعيه تلقائيا يحصل على ترقية ورتبه كمان
بالنسبة لالك انت مهندس ميكانيك
بامكانك تشتغل اكاديمي او بوزارة الاشغال يعني موظف حكومي
الا ازا بدك يكون عملك في ضمن المجال العسكري
وبما انك فلسطيني معك جنسية اردنيه
قبل فترة صدر قرار بسحب الكرت الاصفر من كل عسكري فلسطيني وانت أكيد بتعرف مزايا الكرت الاصفر
وأول على آخر لحتى تقدم الطلب لازم تقدمه شخصيا ,لما تعلن السلطة عن مواعيد التسجيل للالتحاق بصفوف اجهزتها
هاد الي بعرفه بخصوص موضوعك
وان شاءالله اكون وصلتلك الفكرة
|