[حسام المصرى]

أنا الحمد لله خلصت ثانوية عامة من 4 سنوات ..

أهم نصيحة لكل طالب ..
بلاش الرهبة .. والخوف .. حط فى دماغك أن الامتحان عادى وهييجى سهل ومن المناهج ومفيش داعى أبدا للتوتر وتقول أن الوقت قصير وكده .. الوقت طويل جدا ..

اهم حاجة تحط جدول تخلص فيه كل مادة مرة .. وتحل امتحانات آخر 10 سنوات ..
حاول تذاكر فى الوقت اللى بيكون فيه اهل البيت نايمين عشان تعرف تركز ..

أهم حاجة وقت الامتحان .. النوم بدرى ..
إياك تقوم قبل الامتحان وتراجع المنهج كله بالذات الإثباتات ..
لأن الدماغ مش بتبقى مستعدة تستقبل أى حاجة قبل الامتحان مباشرة .. وهتلاقى نفسك نسيت كل حاجة ..


تأكد ان المكتوب مكتوب .. اعمل انتا اللى عليك والباقى على ربنا ...
وكل الكليات كويسة ..

مش معنى أن الواحد مثلا دخل كلية مكنش عايز يدخلها أن حلمه متحققش ..

أبدا والله

تأكد ان كل حاجة خير ليك .. وحب ما تعمل عشان تعمل ما تحب ..