[حسام المصرى]

كل المصريين كانوا تقريبا عارفين أن ده هيحصل ..

بس مكنتش متصور أنه هيكون بالبشاعة والهمجية دى خالص ...

طب أنتم نازلين تكسروا فى استاد بلدكم ليه .. مش لاقى تفسير لده خالص ..

هو انتقام غير مقبول أبدا صراحة .. ردا على ما فعله التوانسة فى مبارة الذهاب ونزول عدد من الجماهير يمكن 4 الملعب ..
وكمان العام الماضى لما جماهير الترجى التونسى اعتدت على الأمن وموظفى الاستاد المصريين وأحدث بهم جروح خطيرة جدا وتم اعتقال 17 مشجع تونسى ..

ولكن مبارك .. الرئيس السابق أصدر عفو رئاسى .. عنهم ..
الجمهور المصرى طول عمره جمهور راقى جدا ومحترم جدا ويشرف فى أى مكان .. لكن اللى حصل كان تقليد غريب .. انا عمرى ما شفت كمية الشماريخ الرهيبة دى .. غير فى استادات دول المغرب العربى ..

وبعدين المطاوى والهمجية دى ما يصحش خالص على الأقل بعد الثورة والعلاقات الطيبة بين البلدين ..
ده لولا لعيبة الزمالك والأمن كان الحكام الجزائريين ولعيبة الفريق التونسى كلهم هيتقتلوا بجد مش بهزار ..

بس الحمد لله عدت على خير ورئيس الوزراء اعتذر وعملنا مظاهرة اعتذار للناس المحترمة التوانسة
اللى كفاية والله استقبالهم للائجين المصريين من ليبيا والمصريين الى رجعوا كانوا بيقولوا أحسن ناس التواسة والله

من سعتها والله وأنا بحترمهم جدا

وإذا كانت الكورة هتخلينا نكره بعض ونقتل فى بعض .. بلاها