رد: هل فتاة النت سيئه؟؟؟ ولماذا يرفضها الشباب؟؟؟؟؟؟؟؟؟
بدي أحكي متل ما قالت الأخت نغم الله يجزيها الخير ... البنت المؤدبه من عند اهلها اللي عندها رقابه ( ذاتيه ) وبشدد على كلمة ذاتيه .. هاي البنت لو وين ما راحت بتضل متل ما هي حتى لو عالنت ...
المشكله بعض البنات عندهم أخلاق سيئه وهدول بكونوا في الواقع هيك وبعالم النت الإفتراضي أكيد ما رح يصيروا شيخات !!!
وفي بعض البنات جاهلات وبينضحك عليهن هدول فيك تسميهن ضحايا المجتمع اللي الوحده منهن بتدخل للنت على إفتراض إنها حتلاقي عريس المستقبل بستناها على فرس أبيض ع باب المسنجر ... لأنها مكتوب عليها ( لأنها بنت ) تستنى عريس وإذا ما إجاها بصير الذنب ذنبها فبتصير تحاول تلاقي أي حدا بأي طريقه وبتفكر الانترنت رح يحللها المشكله .. فبتتعقد أكتر ...
والنوع التالت من " بنات النت " ع رأيك ... بنات بعبروا عن رأيهم بالواقع وكمان عالنت بكل أريحيه وأدب .. يعني مثقفات بيدخلوا للنت مشان يناقشوا بمواضيع بتهمهم .. وبحافظن على نفسهن عالنت متل ما بيحافظن ع نفسهن بالحياه الواقعيه ...
هاي تلات أنواع من بنات النت وبرأيي عنّا الناس ما بيقدروا يميزوا بين الأنواع التلات " أكيد مو كل الناس " لهيك في ناس ماخدين فكره إنه كل البنات اللي بيتعاملوا بالنت مش كويسات ...
أكيد فكره غلط ... متل ما بيحكي المتل : " ولاد الحرام ما خلوا لولاد الحلال شي " ... يعني فئه مش كويسه بطلّع فكره غلط عن الكل للأسف ...
أنا بالنسبه إلي بتعامل عادي عالانترنت بس مرات بخاف منه .. يعني لازم الواحد يحذر ع طول ... وبالنسبه لأهلي فهم بيعرفوا كل شي عن هالموضوع ...
بكفي إنه أخوي من زمان هو اللي حكالي أشارك بمنتديات شباب فلسطين أول ما بديت أتعامل بالنت حكالي في موقع كويس وعليه شباب وصبايا محترمين إسمه منتديات شباب فلسطين .. كان مشارك فيه فسجلت فيه ...
يعني هم بدلوني ع مواقع كويسه بس ما عندهم هاي الفكره اللي موجوده عند ناس تانيين . بالمقابل بعرف صاحباتي متزوجات وأزواجهن ليل نهار عالنت بس ما بيرضوا لزوجاتهم يفتحوا عالنت أو يفتحوا حتى الإيميل لنفس السبب وهو نظرة المجتمع الغلط..
أتوقع في إزدواجيه بالمواقف ..
|