[AL QaiSaR]

أحلـى عيـد ميــلاد

عيد ميلادي هالسنـه من أحلى السنين كان أحلى عيـد من بين أعياد ميلادي
كنت أنا و الغـرام و حبيبتـي مجمتعين الناس في وادي وأنا واياهـا في وادي

حضور الغاليه معاي خلـى العيد عيدين صار العيد بوجودها من أحلـى أعيادي
كنت أناظر بجنون في عيونـها الحلوين والله حلوه و حـلاها بصراحه مو عادي

شربت من شفايفهـا لين ارتويت الحنين يا محلى الجـو وردي ورومانسي وهادي
أنا ضميتها لصـدري ونسيت احنا وين وهي تقول أحبك وكانت تصرخ وتنادي

ياحلو ليلتنا و احنا في الأحضـان ذايبين من فوق وتحت وبين الأرجـل والأيادي
بعدها ودعتهـا و اتفقنـا نلتقي بعدين و ضميتها لصدري وسمّعتها نبض فؤادي

المشكلـه اني بعـد ماتركتهـا بساعتين اتصلت فيهـا لأن الشـوق زوّد عذابي
وقلت لها أبي اشوفـك مشتاقلك تكفين والله مليت من الجلسـه وايـا أصحابي

قالت تـوي الحيـن تركتك قبل دقيقتين كيف واشلون وحشتك يارمشي وأهدابي
قلت أنـا بدونك الساعـه عندي سنتين احسبي حسابك وأنا راح أحسب حسابي

لازم أشوفك كل يوم على الأقـل مرتين لأنك لو غبتـي يوم راح يضيـع شبابي
تصدقين من يوم ما تركتك اليـن الحين وأنا أشم ريحـة عطرك فيني و في ثيـابي

أدمنت شفايفك وخصرك ودفـا النهدين ولو هذا الإدمـان ارهـاب فأنا ارهابي
أحبك بجنـون و جنوني زاد في هاليومين يامحلى عيد ميـلادي يا أغلـى أحبابي
كلمات/
د. أديب بازهير