[ملكة الرومانـسية]

ياسمين :

للشاعر الاماراتي : طارق المحياس

وهي عبارة عن قصة واقعية 00


ليش قلبج يابعد عمري حزين ..... والله مب لايق عليج هذا الزعل

ياحلاتج يوم انتي تضحكين ....... افتحي قلبج وقولي وش حصل

من تجرا من قطف هل الياسمين .. من حرمه الزين قبل مايكتمل

من كسر قلبه وشعوره بكلمتين .. ويدري قلبه للعتب مايحتمل

من هو ارخص قيمت الغالي الثمين .... ويدري انه في عيوني له محل

من يقول الحب-الورد-مايقطر حنين .... ومن يقول انه وسط قلبي ذبل

يالله قومي يالله لا تتكاسلين ......... خلي حلمي وياج يوصل لي زحل

يالله قومي يالله لا تتشاورين ......... خلي حبنا يكون للعالم مثل

قالت اصبر قلت انتي تامرين ........... وطالعتني بعين يملاها الوجل

ولا إرادياً ذرفت دمعتين ......... وقالت ان الزين عمره مايكتمل

قلت قولي ترى سرج دفين ..... مابقول للحد لو مهما حصل

بس دخيلج ماابي هدمع يبين...... مب عشان شي بس والله ماحتمل

طالعتني وقلت لها شطالعين ..... مافي داعي للعواطف والخجل

هذا مب وقته في وجهي تسرحين ..... جاوبي احساس قلبي الي سال

قالت الشده بعد فتره تلين ........... والفرح يقبل اذا باقي امل

والشقا لازم في يوم انه يهين ........ والصعب يجيه وقت ويكون سهل

قلت لها قوليلي ولا تلمحين ........ مااحب اسمع كلاماً به جدل

قولي شالموضوع اذا انج تسمحين ... وخلي الخوف الي فيني يرتحل

قالت اهلي ساوموني بدرهمين .......... وقررو انهم يزوجوني بعجل

جايخطبني شخص قدي مرتين ........... وجابو الماذون والعقد كتمل

وافقو لنهم بماله طامعين .............. وبتجاره والمراكز والفلل

ليش لادام انه الرابحين .......... يمكن انهم يطلعون بكم محل

قالت الحقني الحقني ومدلي هليدين ........... ضاع فكري وطار من راسي العقل

من لي غيرك اشتكيله يالضنين ........... عطني رايك عطني لو ذرت امل

صرت انا وياك ضمن التايهن ............ والحزن في دربنا تو استهل

ليش يادنيا في وجهي تعبسين ........... حضي المايل متى بس بيعتدل

قالت اتكلم ولو بس جملتين ............ لاتتم ساكت ترى وردي ذبل

قولي اي شي قول ولو كلمتين .......... ونتا بس الي لامره امتثل

صدمتي كانت معاها صدمتين ........ صدمتي كانت في هل مره دبل

كنت بسالها شرايج تملجين ......... دام خذنا الدبله والحب كتمل

مانطقت بشي ونا ميت حزين ........ والدمع من فوق وجناتي همل

قمت اشاهق مابي نوحي يبين ......... جني خيل باعلا صرخاته صهل

قمنا نطالع بعضنا عينن بعين ......... متكلمنا الين اليل حل

قالت انطق لا تقول انزين انزين ....... ونا ساكت والفرح عني رحل

كنت اضن احنا لبعضنا مكملين ....... مادريت الحظ عاند بالفعل

كنت انا وحدي في عالمها سجين ....... وكنت اقول الحظ اخيراً اعتدل

قلت هلا اذكر كلامج الين الحين ........ يام تقوليلي انت احسن رجل

صحت فجا وقتلها تتذكرين ......... يام كنا نخطط لشهر العسل

قلت عشاني قومي ولا تزعلين ........ ورضي بالواقع لدام انه حصل

اسمج بيبقا وسط قلبي دفين ............ والقمر لازم في يوم انه يكتمل

والله بفرح دام انتي بتفرحين .......... يالله خلينا بعرسج نحتفل

وصفعتني كف على الخد والجبين ....... وقالت انتا قاعد تكلم طفل

قلت لها وصوتي بنبراته حزين ............ اوعديني هالزعل اخر زعل

لأن قلبج ينعرف يوم انتي تزعلين ...... والله مب لايق عليج هذا الزعل

ومهما ناديتج ابد لا تجاوبين ............ قصة الحب انتهت مات البطل

افترقنا بعد كل هاذي السنين ......... وللأسف حبنا في هالمره فشل

انتها مشوار احلى عاشقين ............... كلن بدربه ولا كن ما وصل

كل واحد ينسى مع مر السنين ........ لاكن الذكره امرها مب سهل

لين اخر يوم في قلبي تسكنين ........ وصورتج تبقا مثل بدر اكتمل



في بعض الاوقات اقعد مستكين ....... بس افكر الين يذبحني الملل.

****بالفعل قطفو زهور الياسمين ........... قطفو الزهره قبل ماتكتمل****