[ღ حورية فلسطين ღ]

المشاركة الأصلية كتبت بواسطة اسد 22 اهلاً وسهلاً باختنا الكريمة حرية فلسطين


أبدأ في الضيافة



لي بعض الاسئلة


متى بدأت التسجيل في منتديات شباب فلسطين ؟


لو خيرت في الاشراف على احد الاقسام ماذا ستختارين مع ذكر السبب؟



لو كنت مديرة المنتدى ماذا ستغيرين؟


لمن تعطي الاوسمة مع ذكر السبب


وسام الصداقة؟



وسام الحكيم

وسام التميز



وسام المشاكسة



سؤال اخر اطلب منك ذكر اربع ميزات في كل من


المشرفة امل



المشرفة بنت فلسطين المجروحة


المشرفة اسراء فلسطينية


المشرف ابو مجاهد

المشرف شهيد



والمديرة دموع رحيل

المدير محمود




احضري 4 اخطاء املائية لكل من؟



المشرفة دمعة اسى


والمشرفة امل


والمديرة دموع الرحيل




لو طلب منك ان تسافري لأحد البلاد ماذا ستختار ولماذا؟



ما رأيك بالدمقراطية ؟



كفاية دول


الان ممكن ارجع

اهلاً وسهلاً باختنا الكريمة حرية فلسطين


أبدأ في الضيافة

ياهلا فيك خيو اسد نورت


ايوا ياعمي هاي الناس اللي بتضيف صح

مقلوبة وحركات من الآخر مش فلفل

الله يسلم إيديك يارب

متى بدأت التسجيل في منتديات شباب فلسطين ؟

6-7-2007 يعني إلي 4 سنين بالمنتدى واكتر تقريبا

لو خيرت في الاشراف على احد الاقسام ماذا ستختارين مع ذكر السبب؟

قسم الترحيب والتعارف حبيب قلبي هالقسم إلو معزة كبيرة والله اشتقتلو والسبب لأني اول ما صرت مشرفة على هالقسم وضليت تقريبا سنتين لازقة بالقسم

وقسم التواقيع والصور كمان بحبهم كتير لأني بحب الفوتوشوب

لو كنت مديرة المنتدى ماذا ستغيرين؟

ايوااااااا خطير هالسؤال شو يا اسد ناوي تخلي محمود يطيرنا انا وياك

بالمنتدى مارح اغير شي لأنو بجنن ومو ناقصو شي ابدا

بالمواضيع رح الغي مواضيع فتح وحماس الغاء تااااااااااام


بالأعضاء في كم عضو بدهم ازالة مع اني قاعدة بالمنتدى إلي 4 سنين ما كرهت حدا

الا هالأيام في اعضاء مالهم داعي ابدا

لمن تعطي الاوسمة مع ذكر السبب


وسام الصداقة؟

لأكتر من بنوتة بستاهلو هالوسام

وسام الحكيم

امل & اسراء الفلسطينية & محمود & القلب الطيب

وسام التميز

ماهيناز & نابلسية كححح & أنين & أسامة وكتير والله تقريبا كل الأعضاء مميزين

وسام المشاكسة

فرفوشة اكيد رعد فلسطين & ابو يقين اشتقنا لشقاوتهم وابو مجاهد وشهيد توأم من الآخر

سؤال اخر اطلب منك ذكر اربع ميزات في كل من


المشرفة امل

وفية & لزوزة & صديقة صدوقة & قلبها أبيض

المشرفة بنت فلسطين المجروحة

اول ما بميزها انها زي ماما
اول وحدة بلاقيها جمبي بس اكون محتاجة لحدا
بحب فيها صراحتها يعني حتى لو كنت غلطانة بتحكيلي بوجهي انتي غلطانة وبتبهدلني كمان

هالشي بخليني احس اديش بتحبني وبتخاف علي ودايما قلبها علي فديتها
وبدها تاخدني عالمنطاد بس اروح عالإمارات

المشرفة اسراء فلسطينية

هالبنوتة بحياتي ماشفت حدا بصبرها وأخلاقها وزوقها ورقتها

بصراحة مش عارفة شو احكي عنها على قد ما هية بتجنن

المشرف ابو مجاهد

رائع في تعاملو مع الكل بتميز في تعاملو
وفي كلامو اللي بحكيه ودايما بسرق منو مصطلحات خطيرة اول مصطلح سرقتو ياخبتي عللي اترملت

مميز بتصاميمو وبتميز بأسلوبو

المشرف شهيد

اوووووووووه اكتر ما بميزه انو قد حاله وعقله كبير برغم صغر سنه بس بحسو قدها وقدود
وبتحمل المسؤولية وبيعتمد عليه يعني صار فينا نجوزه

هلأ رح ينبسط ههههههههههه

والمديرة دموع رحيل

المدير محمود

ما بحبهم يا أخي لا تجبلي سيرتهم بستنى بالدقيقة يطيرو عشان لأنهم كاتمين على نفسي وماخدين كرسي الإدارة مني

حورية فلسطين << مطرووووووووووودة

لا عن جد شهادتي مجروحة فيهم الله يعطيهم الف عافية بجد مو مقصرين معنا وهاد اكتر شي بميزهم

احضري 4 اخطاء املائية لكل من؟



المشرفة دمعة اسى


والمشرفة امل


والمديرة دموع الرحيل

كلهم اخطاء يا زلمة

اسد كرهتك بعد هالسؤال خلص سامحني بس هالسؤال مارح ارد عليه

لو طلب منك ان تسافري لأحد البلاد ماذا ستختار ولماذا؟

اكيد فلسطين امنية حياتي اروحها لو يوم واحد

والإمارات لعلة في نفسي

ما رأيك بالدمقراطية ؟

اساسية في حياة كل أٍسرة

كفاية دول

اسد اسئلتك رائعة بس ليش بتسمع كلام الجمهور انت


هالمرة سماح بس هيني بستنى دورك عشان اردلك الصاع صاعين


تسلم على اسئلتك ما قصرت والله وبإنتظارك مرة اخرى