رد: حكومة الاردن تحمل جمهور الوحدات مسؤولية احداث القويسمة
السلام عليكم ورحمة الله وبركاته:
أنا من زمان ما فتحت المنتدى بس أول ما فتحته لفت نظري هذا الموضوع وحبيت أرد بتمنى ردي يكون خفيف عالجميع.....
أنا كمان ما بكره أي شعب والأردن كتير بحبها لأني ما عشت بفلسطين متل ما عشت بالأردن ... يمكن بحكم إني عشت20 سنه بالأردن بيطلعلي شوي أحكم عليهم كبشر ....
كتير في ناس من الأردنيين عندهم عقدة نقص وبس صاروا أصحاب دوله صاروا بدهم ينتقموا من البشر التانيين ( الفلسطينيين طبعاً) في حالتنا.... بس تذكروا إني حكيت كتير مش الكل في ناس هناك أطيب منا بكتير .....عالعموم معروف إنه الدرك ما بيدخله إلا أردنيين الأصل حتى لو كان الشخص أردني من عائله أردنية الأصل لكن مثبت في وثائقه أنه أبوه من مواليد فلسطين يعامل معامله أخرى تمييزيه.... مشان هيك لتقديم طلب توظيف في كتير من المجالات الحكوميه ضروري تحضر معك من الأوراق صوره عن دفتر العائله مثبت عليه مكان ولادة الأب... وإذا كان الأب متوفى فصوره عن شهادة الوفاه....
نرجع لموضوع الوحدات والفيصلي ... يشاع عنا في الأردن أو المتعارف عليه أنه الوحدات فلسطينيين والفيصلي أردنيين مشان هيك إذا كنت فلسطيني لازم تشجع الوحدات وإذا أردني الفيصلي والدرك أردنيين إذاً بشجعوا الفيصلي والفيصلي خسر وجمهور الفيصلي طلع متل ما بحكوا حسب الأصول بس هم اللي بدأوا بالتعدي على جمهور الوحدات لأنه هاي مش أول مره بيعملوها.... بهيك موقف أكيد الدرك رح يكسروا جمهور الوحدات إذا من الأساس هيك تفكيرهم فما لازم نتوقع منهم غير هيك لأنهم أصلاً كمان بشجعوا الفيصلي للأسباب المذكوره....
معلومات أخيره...
.1* أكتر من 2/1 لاعبين الفيصلي هم فلسطينيين الأصل.
2* أحداث القويسمه دائماً بتصير وطبعاً دائماً الوحدات بكون الفائز في المباراه الخسران في الضرب....
3* ما دام عند دولنا وحكوماتنا العربيه هاي القوه ليش من 62 سنه مهم يكدبوا علينا نفس الكدبه..
"" إنهم ما بيطلعوا مع إسرائيل براس""" ؟؟؟؟
آسفه عالإطاله بس إشي
بفقع
|