رد: قتلى و 250 جريحاً في مباراة الفيصلي والوحدات والشرطة تحقق!!!
قبل كل شي
ما بعرف انتي شو عارفه عني عشان تقولي انتو , بلاش الجمع
مو انتقاص من فلسطين ولا والله بل كلي شرف انه فيني عرج فلسطيني
ثاني شي حرب اهليه تقلب ميليشات تصير الدوله كلها عصابات بأسوء الأحوال قد يكون افضل للجميع
دامك عارفه انو الفلسطيني بالجامعات وبالدكاكين وبالتكاسي
وبالمصانع وبالشركات وبكل وزاره وبكل زرنوق في الدوله
لعاد ليش هيك مهمشين و ليش مطيحين حظم ولاعنين خير واليدهم
بس يلا هي القصه اجت والباشا مترشح يصير نائب الفيفا
وما يشمها وربي
ثاني شي انا مو معصب بس شكلك متخربطه
مو مهم
النقطه الي بدي اقلك عنها
بيقدرو يسجنو 10 و100 كمان
بس 100 ألف ولا نص مليون فلسطيني وفلسطينيه يعقبون يعتقلوهم
ودخيلك قال يعني هما ما بيسحبو الجنسيات لأسباب اخرى
بس ما بعرف مين الي بدو ايها حرب اهليه الدرك ولا انا !!!!
ولعلمك انا اشد الحرص على انو ما يتضرر اي احد
صدقا خيتو بكل سهوله بقدر اجيب صور بشعه للي صار يومها
بس انا متأكد انها ما راح تقوي كلامي ولا رأي
لأنو الرأي السديد لا ينتظر صوره ولا فيديو ليثبت صحته وانا متأكد انك عارفه هالشي
راح اعتبر حالي ما قرأت اشي من انو اكمل علمي او اشوف اهلي
لأني بعذرك لأنك ما بتعرفيني
وما بدي اقعد اقول شو أنا لأنو الرجل بموقف مو بكلمه
وصدقا انتقاص للرجوله بان ابين اني اقوى او اكبر ولا اخاف و....و.....و.......
نقاشك عذب
وردودك غاويه
واسعدني التواجد هنا
|