[إيمـان]

يا أول رسمة حنيّة استنيناها بطول سنين
يا أول بسمة قمرية تملأ عيوني وقلبي حنين
مين المزيونة؟.. إنتي
طب نور عيوني؟.. إنتي
أنتي أنتي يا بنتي




شو كانت فرحتنا يوم ما جيتي ونورتينا
أديش انطرنا هاليوم بقدومك فرّحتينا
خليتي أيامي عيد
وأعطيتيني عمر جديد
حلمي اللي كان بعيد
هيو تحققلي يا عيد




لما عنك بدي روح كلمة بابا تودعني
ضحكاتك يا روح الروح لو ارجع تستقبلني
وعيونك قمرين صغار
لكنهم بعيوني كبار
يا نوّارة كل الدار
بشيلك ع الراس وع العين



يا رب احميها يا رب واسعدها طول الأيام
واجمعنا على خير وحب لنحقق كل الأحلام
مهما الكنوز بتغلى
منها لا ما في أغلى
لو لحظة ما بنتخلى
عن شوفتها نور العين



يا أول رسمة حنيّة استنيناها بطول سنين
يا أول بسمة قمرية تملأ عيوني وقلبي حنين
مين المزيونة؟.. بنتي
طب نور عيوني؟.. بنتي
أنتي أنتي يا بنتي