[حسام المصرى]

بصى مبدأيا ..

السلك اللى بيكون اكبر مقاومة هو أقل مساحة مقطع واكبر طول .. واللى أقل مقاومة هو أكبر مساحة مقطع وأقل طول ..

وعشان كده " ج " هو اكبرهم مقاومة .. و " أ " هو الأصغر ..

بس انا حبيت أستخدملك القانون ..

بالنسبة أن مقاومة " د " اكبر من مقاومة ب .. لأنه اطول .. كلام سليم .. بس مساحته كمان اكبر .. يعنى العاملين بيأثروا مع بعض .. على قيمة المقاومة وبالحسابات يطلعوا الاتنين متساويين ..

ولو انى مش مقتنع بنسبه 100 % ان مقاومة د أكبر من ب .. لأنه اطول .. بس وأننا اهملنا كبر المساحة بتاعته .. فى حين أن ب مساحة مقطعه قليلة وقصير .. لكن نمشيها مش مشكلة ..

بالنسبة ليه أن الطول بيزود المقاومة .. بصى ببساطة ..

التيار الكهربى عبارة عن سيل من الالكترونات .. بيمشى فى السلك .. والسلك بيتكون من ذرات لها الكترونات حرة .. فنتيجه للاحتكاك بين الالكترونات بتاعة التيار وبين الكترونات ذرات السلك .. هتنشأ قوى تنافر .. او مقاومة لسريات التيار بسهولة .. وكل ما يزيد الطول كل ما المقاومة هتبقى أكبر .. كذلك كل ما المساحة تكون قليلة .. المقاومة هتزيد ..


بالنسبة بقى أنى اعوض عن حاجة بدلالة حاجة ..

بصى مثلا .. سعات بيجيلك فى الامتحان يقولك .. سلك من النحاس .. طوله زاد الى الضعف ومساحه مقطعه قلت الى النصف .. ماذا يحدث لمقاومته ؟؟ فى حين ثبوت درجه الحرارة طبعا والنفاذيه بتاعة الوسط ..

جاوبى على السؤال ده .. انتى