[Moon Tears]

ممممم ..تسمحولي بمداخلة ..مع انو شكلو رايي مش راح يعجبكم
انا بشوف انو ما فيها شي الكليبات الاسلامية ..على العكس لاازم تحاكي التطور اللي احنا فيه ..بعدين ما اظن فيها اشي شرعا انو يلبس قميص بشكل معين او يعمل تسريحة شعرو بشكل محدد او يعمل سكسوكه ولا غيرو وغيراتو
بضل هالاشي يعني لخدمة هدف سامي ..والاناشيد صايرة هالايام لكل فئات المجتمع الملتزمة وغير الملتزمة ..يعني لما يطلع كليب بشكل معين زي ما تفضلتوا ..ويجو ناس مش ملتزمين ويسمعو هالانشوده ممكن تكون سبب لهدايتهم ..بعدين يعني مش احسن يجو شبابنا يسمعو للمغنيين اللي لا كلمات ولا كليبات صح ولا لأ ؟
ولو تسمحلي الاخت صوفي رح علق على اشي حكتو

فكلْ ما يتخلله موسيقى تسمى أغنية وليست أنشودة

حتى لو سميتيها اغنيه بتضل بتفرق عن الاغاني الصايعه اللي بيسمعوها شباب هالايام ..فرق الكلمات فرق جوهري بين الاغنيه والانشودة حتى لو استخدم الموسيقى
لانو مسأله الموسيقا مسأله مختلف عليها وعلى حكمها ...وفي جماعة حللت الموسيقى ..وزي ما كل شي بالدين الاسلامي في مذاهب كمان الموسيقا الها مذاهب والها اتباعها .. واللي حابب يسمع انشوده بموسيقا او بايقاع او بدون ايقاع فهادا بيرجعلو للشخص نفسو ...برضو كمان مثلا باناشيد الافراح المفروض تكون الموسيقا شوي صاخبة مناسبة لعرس يعني ..ما بيتناسب يحطو تنشوده للعفاسي مثلا مع احترامي للمنشد طبعا مش بقلل من صوته او مكانته لكن فقط ما بيتناسب فنو مع هالنوع من الحالات ..

واخر شي بالنسبه للبس فهادا صار لباس كل العالم ..والالتزام والاخلاق عمرو ما كان باللبس ..وبما انهم مش لابسين اشي محرم لا حرير ولا دهب ومتشبهين بالنساء ..فانا بشوف انو عادي

تقبلو مروري وبتمنى تتقبلو رايي بصدر رحب : )

تحياتي