[a7la sereen]

المشاركة الأصلية كتبت بواسطة لالا-فلسطين 48

مرحبا سيرين،

انا قبل 3 اسابيع واخيييييييييييرا رحت على نابلس وكتير كنت حابة اروح وانبسطت بالروحة، لانها هاي اولمرة لالي بفوت بلد بالضفة...

غير هيك، زي ما بتعرفي رحعت العلاقات بين اهل ال48 والضفة، وكتير من الناس اللي حولي: ان كان بالتعليم او بالشغل مجنينيني بنابلس واجواء نابلس وقديش هي حلوة (كمان بحكولي عن رام الله حلوة، بس رام الله اكتر سياحية ونابلس بتضل اجواءها احلى)...!

بالآخر عملتها وقررت اروح اشوف نابلس اللي مجنينيني فيها.... وعملتها ورحت..

طبعا شمة الهوا كانت عائلية اقتصرت على مركز البلد بالنهار وبما انو الحياة بالليل بتنتقل عشارع رفيديا فكملنا السهرة بشارع رفيديا..

عنجد حياة تانية حيوية وبتجنن وكمان غير عن اللي منعيشها عنا، ويمكن هاي اول مرة لالي بكون باجواء زي هيك كلها عربية، ومش متل ما متعودة يكون حولي اكمن حدا عربي والباقي اللي حولينا اغلبهم بكونوا يهود!!!

* * * * *


بس على ما يبدو انو رحلتكو مع الجامعة، يعني منظمة وعمناطق معينة..

المناظر حلوة كتييير والتصوير روعة، بس اكيد عالطبيعة رح يكونوا بجننوا!!!!!!!!!!

واهم اشي الكلب اللي كان باستقبالكو :)

وبالنسبة لليهود السامريين اللي زايرنهم، عرفت انو همي ضد قيام دولة اسرائيل، ومشا نهيك مش ساكنين فيها وكمان في زيهم كتير بانحاء العالم!

* * * * *

المهم تكوني انبسطي...

ونابلس جبل النار اكيد لا يُعلى عليها..

اما عني فحابة ازور نابلس كمان لانو جد اجواءها غير بالاضافة اني ازور رام الله، اريحا وبيت لحم>> بحكولي عن هالبلاد حلوة كتيييير :)

ويعطيكي الف عافية.. ولا تبخلي علينا باطلاعنا على متل هيك فرص...

تحياتي..
لالا-فلسطين 48.

هلا فيكي لالا

بس بدي اصحح اشي حكيتيه انو اليهود السامريين عددهم قليل جدا واغلبهم بنابلس يعني ما بيصير يسكنو بغير نابلس صعب انهم يستقرو بؤا الا اذا بدهم يطلعو سياحة متلا وما بيطولو

حلوة كتير نابلس علشان الجبال وعاليه وبتكشفي مناظر حلوة

ولما تيجي ع بيت لحم بتحكيلي ^^ ان شاء الله بتزوري المناطق الي حكتيهم

ما روحنا ع رافيديا ، انو رحلتنا كانت تعليمة اكتر وهدفها نتعرف ع اماكن وثقافه

وهلا فيكي مرة تانيه