[Maram .. ~]

المشاركة الأصلية كتبت بواسطة دمعة أسى مش خاطر ببالي شي و الله


بس مرة دكتور طردني انا و صحبتي من مكتبه

القصة انه درسنا ماديتين يعني سنتن بوجهه و دايما نقعد جبن بعض بالمحاضرة
و بالساحة يشوفنا مع بعض
بالادارة مع بعض

مرة رحنا ع مكتبه بسالنا شو بتقربوا لبعض ؟

صحبيتي - اختي ^_^
الدكتور طبعا بيعرف اسامينا و انه كل وحدة من عيلة
بيقول يعني ابوكي متزوج 2
انتي من وحدة و هي من وحدة
سبحان الله و طلعتوا قد بعض
و دخلتوا نفس التخصص اول مرة اشوف اخوة زي هيك متفقين
و طبعا انا كنت ميتة من الضحك لانه الاستاذ حكي انه بابا متزوج 2 و كمل حكي ع هاد الاساس

- صحبيتي بتقله يا استاذ احنا اخوات في الله

انحرج كتير و قلنا اطلعوا برا صارلي ساعة بحكي و ىخر شي اخوات في الله

صحبيتي كملت رب اخت لك لم تلدها امك و هالاستاذ يضحك ما بعرف علينا و لا ع حاله ههه

..
كل ما يشوفنا بيرد السلام و بسال عن دراستنا بجد محترم كتير و استاذ قليل زيه

هههههههههههههههه حرام عليكم هههههههه

الله يخليكم لبعض