[PaLeSt!Ne SouL]

2- إحكيلنا شوي عنـ صديقاتك المقربات ؟ [ بعرفـ بتحبي تحكيلنا عنهمـ شوي o_o ]

امم اول شئ انا كنت اجتماعية بشكل كبير كتير بايام المدرسة لحد الاعدادي
لكن بعدين صرت اصاحب كم وحدة و بس ليش ؟؟

لانه كنا كتير نغير بيتنا و الناس اللي بتحبيهم و بتصاحبيهم بلحظة تبعدي عنهم و ما بتقدري تتواصلي معهم
لهيك قررت ما اصاحب كتير لانه باي لحظة ممكن نفترق

لذلك اغلب علاقاتي من جديد تكونت كلها بالجامعة و قليل بنات بعرفهم من المدرسة

...

ما بتزكر كيف تعرفنا ع بعض بالجامعة لانه و لا وحدة بتعرف التانية وحدة من غزة و التانية جباليا ع دير البلح و رفح
يعني من كل مكان
لكن سبحان الله الارواح جنود مجندة
..
الحلو فيهن انه كل وحدة الها ميزة خاصة فيها و كل وحدة اكيد الها عيوب لكن كلنا بنتغاضى عن عيوب بعض
و بنحس انه ما في زيهم
و هو فعلا ما بلاقي زيهم
بوقت ما تحتاجي وحدة منهم بتلاقيهم كلهم قدامك
و لعلاقتنا مع بعض انه معروفين دايما مع بعض باغلب المحاضرات
و شي غريب نلاقوا وحدة مش معنا

..

وحدة شخصيتها قووية كتير كل ما بدنا نعمل مشكلة مع دكتور بناخدها
لهيك اما سافرت ع مصر ما دخلنا مبنى الادارة بالمرة
و وحدة بجد طيبة ع الآخر و بير اسرار يعني مستحيل تطلع شي لبرا
ههههه

اول امبارح وحدة قررت تعمل فيا مقلب طلع ع راسها
وحدة مرتين شفتها منكدة بس دايما لما اطلع فيها بضحك وجهها بشوش و دايما بتفرح اللي حواليها
و اول امبارح اكلنا حلويات لانه وحدة منهن اخدت اجازة بالسند و حصلت الشهادة


شي بيضحك لما اكون معصبة من شي و افش خلقي بوحدة و تضلها تراضي فيا و انا الغلطانة
كيف لو كانت هي اللي مزعلاني

لما تاخر عن محاضراتي بيسالوا عني
و بيفرحوا لما اكون مبسووطة بيسالوا عن دراستي امتحاناتي
كتير شغلات بكون فعلا مضطرة الها بيعطوني اياها رغم انهم محتاجين الها
بتحسي انه في حد مهتم فيكي و بحبك و انهم بجد اصدقاء مش مصالح
..

الله يخايهم و يوفقهم يا رب