[.:.!دموع الرحيل!.:.]

بسم الله الرحمن الرحيم
احبابي واخواني الطيبين
رغم انو المدة اللي قضيتها معكم كتير قصيرة
الا اني حاسه اني بعرفكم من زمان
ووالله اني قبل ما افتح اي اشي بالنت باجي افتح المنتدى كل يوم
بحس حالي كأني لازم انوجد معكم دايما
وببيتنا الفلسطيني الطيب الذي جمع اطيب ناس
وانا بشهدلكم انو المنتدى ان شاء الله ناجح وراقي جدا والناس اللي فيو طيبين جدا
لو ما هيك ما بنشعر بالراحه والطمأنينه بمجرد انتسابنا الو لفترة قصيرة
انا عمبكتب ووالله الدموع بعيني
رح اضطر اصير اغيب عنكم كتير للأسف
في ظروف جديده بحياتي غير انو هلأ وقت امتحانات رح تبعدني عن النت شبه نهائي
وما اقدر ادخل الا نادرا
والمنتدى الطيب هذا هو من اكر الأشياء التي تحز بنفسي الآن التي انا مجبورة ان اغيب عنها
ولكن ان شاء الله كلما سنحت لي فرصه ان ادخل لأطمئن عليكم واكون بينكم فلن اتردد ابدا بإذن الله
انا والله حبيتكم كلكم مش رح اذكر اسماء لاني بجد كل واحد فيكم حسيتو بيتميز بشغله
الله يقويكم يا رب ونرتقي بيبتنا الفلسطيني اكتر اكتر
رح نبقى الشعب المتوحد الراقي اللي ما بيجتمع الا عالخير والرقي والرضا
الله يسعدكم يا رب
والى لقاء قريب بإذن الله
ادعولي اقدر اشوفكم من وقت للتاني
وسامحوني
الله يوفق الكل يا رب