[مآهينآز]

المشاركة الأصلية كتبت بواسطة نسمة جزائرية بصراحة ومن غير زعل

وصلنا لزمن ينعت فيه العربي المسلم بالكلب ومن قبل من .......

بس حسابو بعدين ورح يندم عليها

زعلانة كتير لانو كرة قدم تعمل هك بين العرب المسلمين

ولي زعلني اكتر لانو رح يبقى دايما المغرب العربي مفصول على المشرق العربي

بصراحة ومنغير زعل ..
كنت بحب أشوفك أعقل وأكبر مِن كده بكتير يا نسمه
ولو إنى بوقت مِن الَأوقات كنت متأثرة زيك بكُل ما يُقال

نِسمة حبيبتى
أنا عارفة إن أى إهانة مهما كانت صغيرة .. بتوجع جداً
وبتوجع أكتر لما تكون فيها شيئ مِن العُنصرية ، او بِسبب تحيُز عرقى ..!

لكن لو جينا لِ الحق ..
كِلمة ( كلب ) و أشباهها مِن الاهانات اللى بتقال بسبب مباراة كرة قدم
بتتقال كُل يوم ، وفى كُل مكان ..!!
حتى مِن أهل بلدنا ، وسواء مِن قريب أو حتى حبيب ...!!
بس إحنا بننسى كُل ده ، وبنفتكرها بس ، ونركز وقلبنا ييتقطع ونبكى دم
لما تكون بسبب عنصرى ، كالبلد مثلاً ..!!
وحقيقى هى بتوجع أكتر ،، لَإن صعب جداً إن البلد اللى بننتمى ليها وبنشعر بالفخر
بالإنتماء لها .. تكون هى نفس الشيئ اللى نُهان بسببه ، والأصعب إنها تُهان بسببنا ..!!

صدقينى يا نسمة ..
انا عارفة إحساسك والله ،، وثقى إن الَإحساس ده موجود فى الطرفين ..!!
الطرف التانى كمان بيتهان وإهانات لا تقل ابداً ، بل احياناً بتكون اقصى
وفى بيرد ، وفى بيؤثر الصمت وبيكتفى بالَألم والوجع ..!!

ولِلأسف ده المطلوب ..
إننا ننشغل ، سواء بالمشاعر والاحاسيس اللى مسيطر عليها اكتر إنتمائنا للبلد .!!
او إننا ننشغل برد الاهانات وبردوو بسبب الانتماء ..!!
الِإنتماء هدف ، بس هدف متوظف غلط ، لِ أسباب غلط ..!!

صدقينى يا نسمة ،
اللى وجعك .. وجعنا كُلنا ..!
وزى ما فى ناس لِلأسف ماشيه وراء اهوائها وبتفسد كل خير ، فى ناس تانيه زيك واحسن
وأكيد كل بلد فيها الصالح والطالح ^^..
وإحنا علينا نختار من اى فئة نكون
..( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون ) .. صدق الله العظيم

وقال تعالى ( .. من عفى واصلح فأجره على الله .)
وأجر الأخرة أبقى يا نسمة ^^..


وعمر ما كان ولا هيكون المغرب العربى مفصول عن المشرق العربى إلَا بإختيارنا
بإختيارنا كُلنا ،، كُل واحد بيزرع فى اللى حواليه رؤيته ، وإختياره
إنتِ مثلاً قررتِ تفصليهُم
والدليل إنك حطيتى فى الـ Mms صورة لأعلام بلاد المغرب وقصدتى تفصليهم عن باقى اعلام القطر العربى
مع إن لو إحنا بطلنا نتعامل بالصورة ديه والرؤية ديه هيذوب المشرق العربى فى المغرب العربى ، والعكس
ومش هنحتاج نتكلم عن الاقطار من تانى ..!!!

صحيح يا نسمة .. بالمُناسبة
إنتى أكيد عارفة إنى مصرية ،، وعنى شخصياً بموت على تراب مصر
واقسم بالله العظيم إنى بحب الجزائر جِداً جداً جداً تراب وشعب وارض
وبحب كُل قطر فى المغرب العربى زى تمام ما بعشق تراب المشرق
والله يحمى الجزائر وتونس والمغرب ومصر وفلسطين ، وسائر بلاد المُسلمين
ويقدرنا على عمارة الارض مش تفتيتها ...!!

وزى ما قالتلك أمل يا قمر
إنت هون بتعطي الصورة الحلوة لبلد المليون شهيد
روقى يا قمر ^^...