[Dr.Yaso]

لماذا اخترت منتديات شباب فلسطين ؟

بصراحة اول ما اشتغلت هون بالجامعة كانو آفلين مواقع المسنجر كلها و الفيس بوك و كان

بدي شي يشغل وئتي فيه لأنو ما كان في كتير شغل،، و انا زمان كنت ادخل منتديات فحبيت ارجع

و عملت سيرش و لئيت هالمنتدى و عجبني،، هلأ فترة ضغط و مع زالك حاسة انو تعلئت بالمنتدى

ماذا استفدت من منتديات شباب فلسطين؟

والله تعلمت اشيا من مواضيع الاعضاء و خاصة من المطبخ و تعلمت الصبر و طولة البال

بماذا احسست في منتديات شباب فلسطين ؟

كنت مبسوطة لأنو مجتمع اغلب الي فيه ولاد بلدي بس بعد فترة صارت كزا اصة و بعدا حسيت

اني مأهورة كتير و انو في ناس بتتبلى علي بس بعدا رجعت نسيت الاصة و مشي الحال

ما مميزات منتديات شباب فلسطين ؟

اهم ميزة لئيتها فيه انو في كتير اعضاء عرفو بعض برة المنتدى و الصداقة معهن ضلت

انو مش علاقة منتدى و انترنت و بس

ما عيوب منتديات شباب فلسطين ؟

اول شغلة انو في اعضاء لسه جداد ما ماخدين حئهن لأنو اغلب الاعضاء بردو ع مواضيع

الاعضاء صحابن او المشرفين او الاعضاء القدامى اما الجداد بحس حئن ضايع هون

تاني شغلة انو في ناس بتحط ببالها شخص معين و ببطل إلها لا شغلة و لا عملة الا هالعضو

تالت شغلة اصة المسجات الي موئفينها خوفا من انو يصير شي و لو انو الغلط ممكن يصير

بالرسائل و بغير الرسائل برضوو بلاش كل شي و كل كلمة تنحكى تنفهم بطريئة غلط

صفو نيتكو و خدوها بحسن نية!! بس

يسلمو اسد ع الموضوع :) و بتمنى ما حدا يزعل مني ..