[~][وحيدة القمر][~]

إجاباتي قد تقترب من إجابات على موضوع بركن نواعم .. هو عن الطفولة كمان ..

يلا بسم الله ..

شوو كآنت لعبتك المفضلـه و أنت صغير ؟

بيت بيوت .. أو مدرّسة للكراسي والكنبايات .. والخزانة هي اللوح أو الصبورة ..
من الناحية الإلكترونية ( ماريو )

نشيد كنت تحبه أيام الطفولـه ؟

انشودة؟

شخصيه كرتونيـه كنت تحبهآ ؟

توم وجيري .. بنك باينتر

كيف كنت أيام طفولتك شقي و لا مؤدب ؟

لا هيك ولا هيك .. وسط .. جريئة ولكن رزينة من يومي

ما هي المواقف اللي عرضت فيها أهلك للإحراج ؟

ههههههه مش رح أقول

هل كانت شخصيتك قوية أم مغلوب عليها ؟

وسط يا إبني وسط .. خير الأمور الوسط

موقف حصل في طفولتك كان له دور في تغيير مجرى حياتك ؟

والله استاذ له الفضل عليي بتغيير مجرى حياتي
كنت في طريقي إلى الهاوية وشدّني للصلاح والطموح

أكبر عيديـه جمعتها كم ؟ و من مين ؟

من بابا وماما .. أصلا ما باخد من غيرهم ,, بابا ما بيرضى ،، ممممم مش متذكرة يمكن شي 100$ أو 200 والله مش عارفة ناسية

يوم كنتِ صغيره شوو كآنت تسريحتك المفضلـه ؟

بسينة .. أو زرّيعة بالنصف

من كـآن يدلعك أكثر البابا أو الماما ؟

بابا ..

ماما كانت تميل إلى الحزم مع إنها حنونة كتير كتير

اســم دلعك بالطفولـه لحد الآن ينادونك فيـه ؟ و ما هو ؟

يويو .. أو أيوش .. لهلأ بينادوني هيك

بطفولتك كنت تبكي إذا ماجلست بالاول بالطابور أو الفصل ؟

لا.. آخر همي ..

هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟

يا ريت يا حسرة .. كان عندي لعبة بحبها كتير
كنت آخذتها معي على المدرسة أول يوم عشان كنت متعلّقة فيها كتير(اسمها سرّية) .. دايما تضل بإيدي ..
المهم .. المعلمة كتبت ورقة لـ ماما كتبت لها ابعدي آية عن عادة التعلق باللعبة وإلا نفسيتها بتتأثر سلباً .. راحت ماما قانعتني إنه سرّية صارت قديمة ولازم نرميها عشان تجيب لي أحلى ..
قمت طلبت من ماما تمزّقها قبل الرمي عشان ما حدا يلاقيها ويلعب فيها ( ومن الحب ما قتل ) ههه رميناها .. فقدتلها أول شي بعدين تعودت ..

شوو اكـثـر حلا كنـت تحـبهاا ؟

شوكولا لهلأ ما بقدر أقاومه

شوو اسم اول مـدرسـه أو مدرس درسك ؟

مدرسة الإيمان .. يمكن زينب ويمكن منى مش متذكرة

موقف بطفولتك ما تنساه ؟ وليـه ؟

مضحك

من صغري بحب أكون معلّمة ,, فكنت أحط على الكنبة أغراض وأعتبرها تلاميذ ( مثلاً أحط وسادات .. محفظات .. وهيك أوزّعهم على الكنبة وعلى الأرض وأضع ورقة وقلم أمامهم وأتخيّل إنه الخزانة لوح – صبّورة-)
مرة بابا إجى بدو يصلي فـ فرد سجادة الصلاة على الأرض .. أنا صرخت .. باباااا دعست على محموووووود ..
بابا نط عن الأرض قال وين وين محمود ؟؟ قلت له محمووود تلميـــــــــــــذي ..
قال لي : يحرق دمّك على دم محموود !!

ههههه .. وحتى الآن بيذكّرني بالموقف ( بيقولي .. كيفو محمود )

أجمل رحلـه طلعت فيها بطفولتك ؟

والله الرِحل اللي كان ياخدنا عليها بابا أحلى رحل .. على نبع الصفاء .. الباروك .. قصر موسى .. سير الضنيّة .. ملتقى النهرين .. وهيك

مكان معلق في ذاكرتك من طفولتك ؟ ولماذا ؟

محل ما كنا ساكنين أول شي .. كانت المدرسة بجانب البيت .. عشان هيك طفولتي محصورة بـهيداك الحي .. أو بالشارع اللي فيه بيتنا القديم والمدرسة على الأصح

مين أقرب صديق في طفولتك وهل كانت بنت ولا ولد ؟

بنات البناية .. كنا نلعب فكحة .. بس ما كان عندي صديقة مقرّبة في الطفولة .. وجدتها على كَبَر

شكرا ع الإستضافة الحلوة