[إسراء الفلسطينية]

السلآآم عليكم ورحمة الله وبركــآته .. ~

اليوم قررت اني أعمل جـآتو << طبعاً من هوايـآتي اني أعمل حلويـآت

بعد التفكير .. قررت اني أعمل كيكة " دنمـآركية " / ما دخلها بالمقـآطعة ، هيي أصلها بس الدنماركي

بحبهـآ كتير ، وحبيت إني أفرجيكم الطريقة :)

إسمها بالدنمـآركي [ Droemekage ] ، معنـآها كيكة الأحلآم

يلا .. بسم الله نبدأ

//

( شكلها بالصورة ما طلع وآضح كتير :( )
.

.

[ المقـآدير ]

- 500 جرآم طحين

- 100 جرآم زبدة

- 6 بيضـآت

- كوب ونصف حليب

- 6 ملاعق صغـآر بيكينج بودر

- 4 ملآعق صغـآر فنيليـآ

...

[ مقـآدير " الحشوة يلي من فوق " ]

- 200 جرآم زبدة

- 200 جرآم جوز الهند

- 400 جرآم سكر أسمر

- كوب حليب

//////

{الطريقــة ..~

أولاً منحط الزبدة و السكر ، ومنخلطهم مع بعض ..

لحتى نشوف انو السكر دآب :)

بعدين منحط البيض ، بس وحدة وحدة ..

يعني منحط بيضة ومنحرك ومنرجع منحط بيضة ومنحرك ، وهكذآآ

منزيد فوقهم الفنيليـآ وكباية الحليب ..

وأخيرا منحط الطحين شوي شوي ، بنفس الوقت منحرك المزيج

و منزيد فوقهم معالق البيكينج بودر..

منحط المزيـج بصنية مدهونة بزبدة ، ومنحطها بفرن حرآرتو 200 ..

لمدة 20 - 30 دقيقة..

//////

بالوقت يلي بتكون الكيكة بالفرن ..

منخلط كل مقـآدير الحشوة بطنجرة صغيرة ع نـآر خفيفة ..

بس نشوف انو خلصت الكيكة ، منطلعها من الفرن ومنحط عليها الحشوة

ومنرجع منحطها بالفرن لمدة 5 دقـآيق .. ~

وبهـيك منكون خلصنــآآ

.

.

صحتين وهنــآآ