[~][وحيدة القمر][~]

أول شي ما عندي كتير أخبار .. ما سافرت إلا مرّة ع سوريا .. مع إحترامي الشديد لأهل سوريا وجمال بلدهم إلا أني رح أحكي بصراحة .. ولكل إنسان رأيه :)

يلا
..

1- آخر سفرية كانت لك وين ؟

سوريا .. غير سوريا ما شفت أصلا

2- أقصر سفرية وأطول سفرة بحياتك ؟

سوريا قريبة كتير بيننا الحدود بس .. رحنالها بالباص رحلة مع الجيران

3- أجمل مطار شفته ؟

ما في مطار حلو شفته .. مطار سوريا حلو بس عادي

4- اي الدولة اللي تحب تزورها؟

فلسطين لأنها بلدي الأصلي .. بس بدي أعرف شكل البلد اللي من طفولتي حاملة هويته !!
مصر أم الدنيا .. عشان اللي بعرفه عنهم إنهم ناس طيبين .. وما بيشيلوش من حد .. وخدوومين .. وعايشين ببساطة .. ونفسي أسمع الكلام المصري بوداني بقى عشان أنا بحبه خالص D:
تحيّة خاصّة للأخ حسام بالمناسبة :)

5- تذكار محتفظ فيه من أي دولة وماهو؟

ما في .. ممم والله مش عارفة إذا الساعة اللي جبتها من حلب بعدها عندي .. زمان ما فتحت علبة الساعات .. عشان في ساعة بالموبايل لشو اللّبكة

6- بدنا صورة لدولة تتمنى تزورها ؟

قال هيدي القاهرة في مصر .. ع ذمّة اللي حاططها .. هاي القاهرة يا حسام؟


جمالها في ناسها ..
ما بعرف بس مصر بالتحديد غريبة كتير .. بسميها .. جامعة للضدّدين
يعني ممكن تشوف جامع وجنبه كنيسة باللزق
ممكن تشوف فقر مدقع وغناء فاحش .. وهكذا
يعني لبنان جامع لعدّة طوائف .. بس إجمالا في مناطق محددة للإسلام .. لا ترى فيها طقوس غيرهم
مناطق محددة للمسيحيين .. لا ترى فيها طقوس الاسلام .. وهيك

7- أكلة تحب اذا زرت أي دولة تتمنى تذوقها؟

الفطير المشلتت .. عشان بالأفلام كتير بيحكوا عنه .. شوّقوني لتذوّقه

8- أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟

مممممم ما بحب الدول الأجنبية .. أما العربية ففي كم دولة حلوين .. ولبنان أولهم

9- أجمل مكان شفته بسفرك ؟

ما في

10- كم مرة سافرت بحياتك ؟

مرة .. ومعش أعيدها إلا إذا مضطرّة

11- موقف محرج صارلك في سفرك ؟

ههههه جرّستونا .. والله هيدا يا سيدي .. ما حبّيت سوريا للأسف .. وما كنت مبسوطة .. لدرجة نزلت ع السوق المجاور للأوتيل أنا وأختي .. وأنا وبالطريق صرت ابكي وأقول رجعوني ع بلدي ورجعوني ع بلدي والناس تتطلع خخخخخخ بس كنت صغيرة ممممم شي 15 سنة كان عمري

12- ايش هو آخر كتاب قريته يتكلم عن السياحة ؟

ما قرأت كتب عن السياحة .. إجمالا السياحة والدول اللي بتخطر ببالي قرأ عنها من النت ..

13- ايش يعني لك السفر وهل تحب تسافر ؟

صحيح هو حلو الإنسان يشوف ماذا خلق الله سبحانه وتعالى له .. كمان الإنسان هيك ينفتح على العالم .. بتصير نظرته للحياة غير .. بيتعرّف ع عقول جديدة .. لغات جديدة لهجات جديدة .. بتتوسّع آفقه وبيبعد عن السطحية .. ولكن .. !
أنا ما بحب السفر .. أولا بكره الطيارة .. تانياً أنا متل السمك لما يطلع من المي .. تالتاً ما في أحلى من لبنان

14- شيء لا تستغني عنه في سفرك؟

فرشاة أسنان .. وما شابه .. كاميرا .. (مهدئ أعصاب ههههه .. أمزح )

15- اختار اثنين من اعضاء شباب فلسطين تتمنى السفر معهم؟

لازم بنات أكيد

نانا وصوفي

شكرا على التوريطة .. رجعتني سنوات لورا ^^