[.: بو جاسم :.]

لاحقه عليه مرام لا تستعجلي ههههههههه

قصة اسبوع الحزن في سنة التوجيهي ... ههههههههه

قبل بداية الفصل الثاني بيوم واحد ... كان واحد من الشباب جاي من العمره وكلمني انو لازم يشوفني قبل المدرسة ... المهم ... العصر جيت عند الوالدة الله يحفظها ... قلت لها يمه انا بروح اشتري اغراض المدرسة ... زي اقلام ودفاتر وغيرها ... قالت لي طيب ... وكنت مكلم الاخ اني بروح له لبيتهم ... هههههههه .. طلعت من البيت رحت عند الرجال بعد صلاة المغرب .. صليت المغرب بروحي مو مع الجماعه ... اخذته ورحنا لواحد ثاني من الشباب وطلع معنا ... وعشان اطلع من حرج الكذبة على امي ... قلت لهم شباب بنروح المكتبة نشتري اقلام ودفاتر ... ودخلنا تقريبا 5 مكتبات .. وما اشترينا غير اقلام ... والاقلام اللي اشتريناها ممكن نشتريها من اي دكان هههههههه ... بعد كذا رجعت الشب الثاني لبيتهم ... وبعدها رحت انا والاول لبيتهم على اساس انه بكرة دوام مدرسة ولازم يرجع بدري وكان هذا قبل صلاة العشاء ... مع زحمة الدوحة .. وصلنا عند بيتهم بعد صلاة العشاء ... صليت انا وياه بروحنا لان الجماعه خلصت ... ونزل وانا تحركت على بيتنا ... قبل ما اوصل البيت تقريبا كان باقي ما يقارب 10 كيلو تقريبا من البيت ... كنت ماشي 80 ... وما كنت مخلي مسافة بيني وبين اللي قدامي ... الاخ الله يسامحه ... كبس بريك مرة وحدة ... وانا كبست بريك بس كنت قريب منه وكنت مسرع بالنسبة لسرعته .... وحدث ما لم يكن بالحسبان ... :( دعمته :( وكانت الدعمه جامده بالنسبة لسيارتي ... لكن سيارته ما تاثرت ذاك التاثير الكبير ... سيارته امريكية وانا سيارتي يابانية ...
اللي حزني ... واللي خلاني احس بالذنب ... مو الحادث ... الرجال اللي دعمته .... الاخ طلع فرنسي من اصول تونسية ...
وكان هذاك الوقت جاي من المطار ورايح لبيته لانه جاي من فرنسا ... والاكثر من هذا ... ان ابوه ... لاول مرة في حياته يدخل قطر ... وللاسف اول يوم يدخل قطر لقى هالاستقبال ... لكنه مكتوب ومقدر :)
طبعا كانوا ماشاء الله تبارك الرحمن ... ملتزمين ... وكان عندهم ايمان تام وتسليم كامل لامر الله ... وان هذا مكتوب م عند الله ... وقالوا لي الحمدلله ان البشر سليمين واما الحديد يجي ويروح ..:)

في هاليوم ارتكبت 3 غلطات ... واعتقد ان وحدة منهم تقريبا هي السبب ... والله سبحانه وتعالى يقول :" وما اصابكم من مصيبة فبما كسبت ايديكم ويعفو عن كثير "
الغلطة الاولى ... صلاة المغرب اخرتها ... وصليتها لوحدي
الغلطة الثانية ... صلاة العشاء اخرتها عن وقتها

الغلطة الثالثة ... وهي الاكبر .. لما يت اطلع من البيت قلت لامي ... انا رايح اشتري اغراض المدرسة وما ذكرت لها اي شيء عن صاحبي واي رايح عنده ... وامي قالت لي لا تتاخر ... ومع ذلك تاخرت ...
هالاحداث كانت ليلة بداية الفصل الثاني ... ومر علي هالاسبوع كانه سنة ... ولكن الحمدلله اني طلعت منه سليم

دروس من الحادث : 1 ) مهما كان وايا كان لا تاخر الصلاة
2 ) الله الله ببر الوالدين ... بابين للجنة .. وسبب السعاده في الدنيا والاخرة ان شاء الله

والسموحه عالاطاله ..

مودتي