[haya-jor]

المشاركة الأصلية كتبت بواسطة william fichtner

مسا الخير كمان مره

مثل ما أعطيتيني حيز بالنقاش رايح أعطيكي كمان

شغله انه تكشف عن وجهها أنا مش معها ،، ومع القانون ،، لسهولته ،، انا مش مع أنه النقاب ينمنع ،، بس مع فرض القانون لسلاسته وسهوله تطبيقه ،، يعني مش كل وحده نشك فيها بدنا نكشف عنها !! هيك وصلت الفكرة

يا هيا انتي بتكيلي بمكيالين ،، شغل النقاب لحال وأسباب منعه لحاله ،، وشغل التشليح والتزليط لحال ، عذرا على الالفاظ ،، خلينا بموضوع النقاب ،، لانه شغل اللبس الي نص متر بس اله موضوع تاني لحاله

بالنهاية شو بدنا نعمل ،، ممكن تكون هالقوانيين جاي من مناطق عاليه احنا بغنى عن الحكي عنها ، أو بالأحرى لو حكينا ولو اعترضنا ،، لا حياة لمن تنادي ،، ودخيلك ايام حافظ الاسد الي صار بعصره مش اسمها سياسه حرق الناس اكبارهم وصغارهم ،، السياسه معروفه ،، لازم تتخلى عن مبادءك ،، ولا يعني يعملو انقلاب عليه !!

يعني بدي اقولك شغله ،، الاوروبيين يستنو تا يصير تفجر وبعدين يعملو قرار منع النقاب للأمن !! ليش ما من الأول ،،
هاد القرار مش من فراغ اجا ،، منيت عارفه العرب ،، او بالاحرى المسلمين ،، خصوصا بوضع الشرق الاوسط شو ماخذين عليهم الاجانب فكرة ،، عنيفين متشددين ارهابيين ،، ما بتسمعي بالعراق ،، بفلسطين بلبنان وغيرها وغيراتها بالدول العربيه !! مش الاولى من اوروبا تخاف على حياه سكانها !!

تعرفي ،، خلينا بلحظه نطلع من القوقعه الي احنا فيها ،، هسه ليش بالسعوديه لازم النسوان يتحجبو ،، ومن الهيئه بلاحقو الي ما بتحجبن وبقولو خليهم يتحجبو ،، هيك سياسه البلد ،، سياسه دينيه ،، ان شاء الله اي سياسه ،، والاجانب لازم يلتزمو فيها ،، احتراما الها لانهم قاعدين فيها ،،
وكذلك الغرب همي دايريين على مصلحتهم ومصلحت سكانهم ليش احنا كل اشي بنحطو سببه الدين بحت !! ما بدي احكيكي عن العرب شو بعملو باوروبا ،، وكثير منهم بخبصو تا يشبعو ،، وهسه جايين نوقف على شغله نقاب ، الي هي اصلا مش فرض بالدين

بصراحه انا عن نفسي ،، بعتبر الحجاب حريه شخصيه باوروبا ،، بس النقاب لا ،، مع احترامي للجميع واراؤكم

وبعدين كلام على الهامش : احنا بنتمسك بامور بسيطه بدينا ،، وبننسى أمور تانيه ،، اللهم العاطفه الي بتحركنا ،، وبنقصي العقل شوي بعيد !! مش لو فعلا المسلمين بفكرو من عقولهم كان عدلو حالهم بالدول العربيه ،، والغو الخلافات وصار الواحد فيهم فاهم الدين ويطبقه على حاله وعلى الي حوليه ،، بس قديش الي بعملو هيك ،، قليل جدا واتحداكي

بالمختصر المفيد ،، شغل النقاب ومنعه شايفها من منظور تاني وهي شغله سياسيه ،، انه عشان يلتهي الشعب بشغلات تانيه ،، ويترك الأمور السياسيه ،، خليه يفرغ الي بداخله ،، ومثل ما بتلاحظو هاي الشغله تبعت النقاب بتظهر كل فتره وبتختفي !!

شكلي طولت

لك الورد

شوف يا اخي
انا معك 100% في اخر جزء من كلامك .. وانا من هاد المبدئ بتكلم
بس هي تضهر وبتختفي .. مش بس لهدف الهاء البشر .. لأ هي برضو لهدف التعويد .. يعني خلص بدنا نتعود على هاد الشي .. لأنو القرارات صارت بأكثر من بلد ووصلت لبلاد عربيه مسلمه !

انا يعني كنت انقهر لما اسمع خبر انو البلد الاروبي الفلاني منع النقاب او منع الحجاب بس بالاخر بقوول انو بلد اروبي .. يعني مو طالع اشي الايد

لكن لما يطلع هيك قرار في وطن عربي هاد الو معنى كبير .. يعني كم نسبة المنقبات في سوريا او في مصر او في اي بلد يعني من المشرق الى المغرب عدد المنقبات كبير .. ويجي منع او مهاجمه للمنقبات فا هون بنسأل نفسنا ليش ؟
فا لو نفكر فيها في محاربه للدين .. انا هاد رأي

وبالنسبه لأروبا انا قلتلك مش مصدومه من القرارات هاي وقلتلك الخوف مش بس من المتنقبات بس هادي اسمها لكلكه وحجه لطمس اي هويه اسلاميه هناك

اما السعوديه ... فا من حقهم يعني الاجنبيات مش ملزمين يلبسو حجاب بس بلبسو عبايه يعني لازم يكون في احتشام ... وهاد الشي مش بطال ما انا حطيت الموضوع بقلك انت والاعضاء انو شوفو اليهود بطلبو من نسائهم الحشمه .. فا الحشمه عمرها ما كانت شي يحارب او مأخذ يتاخذ على بلد

ومثل ما انت قلت وانا مقتنعه جدا بكلامك انو هادي الاوامر مش جاي سبهلله ولا من اي حد جايه من فوق ..


تحيه