المشاركة الأصلية كتبت بواسطة haya-jor
مسا الانوار ..
بالنسبه للمنقبات الي بغشو .. طيب بسوريا هاي بلد مسلمه وفيها عدد من المنقبات ايش الافضل يكون في دكتوره او معيده او عامله او طالبه اي شي يعني تكون موجوده في لجنه والبنت الي شاكين فيها توخدها وتكشف على وجهها (( مهو وجه البنت بكون مبين في بطاقة الجامعه او الجواز او البطاقه المدنيه ))
مش هيك بتنحل مشكله ولا يمنع النقاب ويخسورا طلاب احسن! ... طيب شو رأيك في البنات الي بلبسو لبس معين فاسخ ومشلح ايام الامتحنات خصوصي عشان لو غشوا تمشي امورهم بكل سلاسه ... ليش ما يمنعوا التشلح في الجامعات ؟؟ مهو برضو البس الفاسخ في الجامعات الو اثار رهيبه مش بس ايام الامتحنات !!!! :shababsmile116: .. وينهم بهاي النقطه ولا مش خايفين على حرمة جامعاتهم إلا من المنقباااات !!!!!!!!!!!!
وبعدين المشكله مش بس حول البنات في الجامعه ... طيب والمدرسات ! ليش ينمعوا من حقهم ويفصلوهم من التدريس !! ؟؟ شو المبرر يعني ؟؟؟
خطر على بالي مجزرة حما .. على ايام حافظ الاسد لما نسفوا اطفال ونساء والمدينه كلها .. وكيف كان يعملو بالمره المتحجبه او الشب الملتلحي ! .. ولهلأ مافي حدا بقول انها انتهاك لحقوق الانسان .. سبحااان الله
اما بالنسبه لأروبا ... شوف رح اعطيك مثال
اكيد حضرتك بتعرف السيخ (( هنود ديانتهم السيخيه ))
وبكل جرأه بيجوا على بلاد مسلمه عربيه وبشتغلو وبعيشوا من خيرات البلد ..وبكل جرأه بخرجو وبتنقلو في شوراع البلد و وزراتها وهما مطولين شعرهم ولافيونو ومطولين لحيتهم وبلبسو الكاشا ...
بس في مطنق هاد الشخص جاي يشتغل يفيد ويستفيد ... ما حدا بنمعهم من انو يلبسو اي يعملو الي بدهم ياه !! .. بالنهايه هو عامل ومش اكثر من هيك
ونفس الشي لازم يكون في اروبا .. خايفين من المنقبات !! جيبلي تفجير واحد كان سببو منقبه او واحد متخفي تحت النقاب في بلد اروبي !!! .. وبعدين هما بوخدو علماء ودكاتره ومهندسين عرب ومسلمين ليش ما بخافوا منهم !! مع انو دائما التفجيرات بتكون من هيك جهه ؟؟؟ ولا لأنو في فايده منهم معلش ! مافي اي مبرر ولا اي سبب مهما كان يحلل عليهم الي بسوه في البنات المحتشمات المنقبات هناك .. هما مش خايفين من النقاب غير لسبب واحد وهو السبب الحقيقي .. انو المسلمين رغم كل مغريات الحياه هناك والتفتح والحضاره إلا انو الدين اقوى من اي شي وبالعكس ايمناهم بقوى اكثر واكثر ... يعني مافي سبب يخافوا منو لأنو هناك مافي احترام لأنسانية اي حد يعني لو خايفين من حدا او شاكين بحدا بلعنو خيرو مش رح يستحو من وحده منقبه
بس الحجه حطوها بالتفجيرات وانو خايفين يكون واحد متخفي ... والحقيقه كلينا غير
وبعدين اخي يعني انت شايف انو مش مستاهل الدنيا تقوم وتقعد !! ياعمي شو بدك تعمل عالم متخلف
بس حط ببالك انو الانسان لازم يكون في عندو غيره على دينو .. الخير لسه موجود فينا
والحمدلله مسملين بالقول والفعل وعشان احنا مسملين وبدنا نعمل حالنا مسلمين مارح تكون قصة النقاب هينه وبسيطه بالنسبه النا !!
شكرا
مسا الخير كمان مره
مثل ما أعطيتيني حيز بالنقاش رايح أعطيكي كمان
شغله انه تكشف عن وجهها أنا مش معها ،، ومع القانون ،، لسهولته ،، انا مش مع أنه النقاب ينمنع ،، بس مع فرض القانون لسلاسته وسهوله تطبيقه ،، يعني مش كل وحده نشك فيها بدنا نكشف عنها !! هيك وصلت الفكرة
يا هيا انتي بتكيلي بمكيالين ،، شغل النقاب لحال وأسباب منعه لحاله ،، وشغل التشليح والتزليط لحال ، عذرا على الالفاظ ،، خلينا بموضوع النقاب ،، لانه شغل اللبس الي نص متر بس اله موضوع تاني لحاله
بالنهاية شو بدنا نعمل ،، ممكن تكون هالقوانيين جاي من مناطق عاليه احنا بغنى عن الحكي عنها ، أو بالأحرى لو حكينا ولو اعترضنا ،، لا حياة لمن تنادي ،، ودخيلك ايام حافظ الاسد الي صار بعصره مش اسمها سياسه حرق الناس اكبارهم وصغارهم ،، السياسه معروفه ،، لازم تتخلى عن مبادءك ،، ولا يعني يعملو انقلاب عليه !!
يعني بدي اقولك شغله ،، الاوروبيين يستنو تا يصير تفجر وبعدين يعملو قرار منع النقاب للأمن !! ليش ما من الأول ،،
هاد القرار مش من فراغ اجا ،، منيت عارفه العرب ،، او بالاحرى المسلمين ،، خصوصا بوضع الشرق الاوسط شو ماخذين عليهم الاجانب فكرة ،، عنيفين متشددين ارهابيين ،، ما بتسمعي بالعراق ،، بفلسطين بلبنان وغيرها وغيراتها بالدول العربيه !! مش الاولى من اوروبا تخاف على حياه سكانها !!
تعرفي ،، خلينا بلحظه نطلع من القوقعه الي احنا فيها ،، هسه ليش بالسعوديه لازم النسوان يتحجبو ،، ومن الهيئه بلاحقو الي ما بتحجبن وبقولو خليهم يتحجبو ،، هيك سياسه البلد ،، سياسه دينيه ،، ان شاء الله اي سياسه ،، والاجانب لازم يلتزمو فيها ،، احتراما الها لانهم قاعدين فيها ،،
وكذلك الغرب همي دايريين على مصلحتهم ومصلحت سكانهم ليش احنا كل اشي بنحطو سببه الدين بحت !! ما بدي احكيكي عن العرب شو بعملو باوروبا ،، وكثير منهم بخبصو تا يشبعو ،، وهسه جايين نوقف على شغله نقاب ، الي هي اصلا مش فرض بالدين
بصراحه انا عن نفسي ،، بعتبر الحجاب حريه شخصيه باوروبا ،، بس النقاب لا ،، مع احترامي للجميع واراؤكم
وبعدين كلام على الهامش : احنا بنتمسك بامور بسيطه بدينا ،، وبننسى أمور تانيه ،، اللهم العاطفه الي بتحركنا ،، وبنقصي العقل شوي بعيد !! مش لو فعلا المسلمين بفكرو من عقولهم كان عدلو حالهم بالدول العربيه ،، والغو الخلافات وصار الواحد فيهم فاهم الدين ويطبقه على حاله وعلى الي حوليه ،، بس قديش الي بعملو هيك ،، قليل جدا واتحداكي
بالمختصر المفيد ،، شغل النقاب ومنعه شايفها من منظور تاني وهي شغله سياسيه ،، انه عشان يلتهي الشعب بشغلات تانيه ،، ويترك الأمور السياسيه ،، خليه يفرغ الي بداخله ،، ومثل ما بتلاحظو هاي الشغله تبعت النقاب بتظهر كل فتره وبتختفي !!
شكلي طولت
لك الورد