رد: كاسياس: لن أحتفل بالكأس إلا بعد فك حصار غزة
ازا دمعة مالكيش بعالم الرياضة لا من قريب ولا من بعيد، أنا لا أفقه شيئا بهالعالم البعيد عني..!!!
ويمكن لما خلص المونديال عرفت انو السنة كان في مونديال (كل صيف بقرقعوا الدنيا اكتر من هيك بالمونديال، هالصيف نسبيا هادي)...
بالمناسبة، مين فاز بالاخر بالمونديال؟
(على اساس بعر اي فريق بالاخر ضلو يتنافس>> ازا بحكيلكو اني بعرف بكون كزابة)
وعفكرة، هاي اول مشاركة لالي بهالقسم، لانو شوي الخبر شدني..
وحبيت احكيلكو:
هسا هاد اللي اسمو ابصر ايش... كاسياس، هالقد بهمو غزة ورفع الحصار عنها؟؟؟؟؟؟!!!!
مش واضح جدا انو كل هاي زوابع اعلامية لاستقطاب اعجاب العالم كله (مش بس العالم العربي واهل غزة).. ونول استعطافهم!!!
* * * * *
لا وكمان الله يهديه للاسلام...
هو صحيح يهدي الله من يشاء، وفش اشي كبير على ربنا،
بس حسستوني انو بينو وبين الاسلام شعرة، وازا هو متعاطف مع غزة، بالمرة الاشي لا يوحي من بعيد او قريب عن موقفه من التدين..
هو اكتر موقف انساني، ويا خوفي ما يطلع الا موقف اعلامي بس!!!
* * * * *
على كل..
شو ما كانت نيتو، بضل اشي بواسي شوي انو في ناس متزكرة انو في شعب محاصر بغزة...
بضلو احسن من اللي بطنشو وبهمهمش الاشي...
يعطيكي الف عافية دمعة..
بس هاي: "مسكين اللي ما عندو كاسياس".. ضحكتني كتير>> بتشبه الدعايات :)
|