[ابن الانتفاضة]

المشاركة الأصلية كتبت بواسطة ملاك فلسطين



ولا ننسى ان الانسان معرض للخطأ .

والخطأ هو الذي يسبب هذه الاختلافات .

وبالتالي فإنها من الطبيعة الانسانية.


لِمَ نســرع أحيــانــا في التخلـّـص من أصدقــاء فعلوا الكثير من أجلنـــا

وارتكبوا خطأ صغير أنهينـــا فيــه كل شيء!! وتكــون كل الذكريـــات

مجــرد ورقـــة وترمى في سلة مهملات أو صفحه وتطوى !!!!

لماذا نعتقد أننا حينما نختلف في آرائنا فنحن نعاند بعضنا ويشوب البعض منا الحقد والغليل ؟؟

بالبداية بحب اشكرك كتير عالموضوع الجيد كتير كمان .
برايي انه الاختلاف مش هوي اللي بضيع الود ولا هوي اللي بضيع الاخوة والصداقة اللي كانت موجودة ، اللي بيضيعها العقول اللي ما بتفكر الا بمصلحتها والقلوب اللي بتحقد بسرعه وبدون اي سبب مقنع وبدون اي مجال للنقاش ، مجرد انه سوء فهم يبقى خلاص هاد الاخ والصديق هوي العدو اللدود بسرعه البرق ، للاسف بننسى بسرعه كتير شو عمل هاد العدو وكيف كانت مواقفه وشو كنا نعتبره !!!! وحطينا محل كل هاي الاعتبارات علامات الحقد وضيق الصدر ، وخلينا لساناتنا تذرف كلام ما بيستحقوه ، سمحنا لانفسنا بهاي اللحظه انه نغلط ونسب ونهين هدول الناس اللي كنا نحبهم ، وهيك ضاع الود وصار كراهية ، بس التفسير الوحيد انه اصلا ما كان في ود لهاي العلاقات على الاقل من طرف واحد ، بس كان في غش وخداع وعلاقات مزيفة ، مصالح بتجر مصالح ولما تنتهي وناخد اللي بدنا اياه بنخلص الاشيا وبنبلش بالفيلم من اول لجديد بس المرة التانية بتكون مع ناس حبونا و احترمونا واعطونا كتير .
عشان هيك ولما تكون القلوب مزروعه بالسواد بننسى حديث الرسول والقران والدين وبننسى كل شي وبنتذكر الانتقام ، بس انتقام من شو ؟؟ ومن ومين ؟؟ وليش ؟؟ هاي الاسئلة ما في واحد بسالها لنفسه قبل ليعلن حربه على صديقة واخوه .
بتمنى اكون قدرت اوصل فكرتي ورايي بالموضوع تبعك . وتقبلي مني احترامي ملاك فلسطين