[نور الهدى]

الموضوع منتشر بشكل كبير في مصر و كمان في دول المغرب العربي ..

ما بعرف كيف الوضع في الشرق ..

لكن بدي احكي مثلا عن الاوضاع في الجزائر - بما اني منها -

هناك اصبح الامر عادي و عشان تروح تجيب ابسط الاشياء لازم تعمل حساب الرشوة - اللي بسموها بشكل غير مباشر قهوة او هدية او اشياء تانية -

عشان تستخرج شهادة ميلاد لازملك رشوة ..

عشان تخلي ملفك في عداد الملفات الجاري التعامل معها لازملك رشوة

ازا بدك تتداوى برضو لازم رشوة - عشان الطبيب اللي بالمشفى ما يخبص في علاجك -

ازا بدك تسافر و عشان الجهات الجمركية ما تطلع عينيك بتلزمك كمان رشوة

بالجامعات اللي بده ابنه ينجح مع انه - حـ ... - ولو فتحنا مخه بنلاقي جزمة . مجرد رشوة بتخليه متفوق

ببساطة عشان تعيش كمواطن بتلزمك هالرشوة

و هي من الضروريات

//

هيك الوضع اللي بعرفه

و على فكرة اللي ما بده يتعامل مع هيك نظام ممكن حياته تتعرض للخطر ..

ع الاقل هاد اللي صر مع والدي

كان بيشتغل بالضرائب .. و هو المسئول عن مراقبة الضرائب اللي ع التجار

عرض عليه احدهم انه يعطيه اللي بده اياه بس يغض الطرف عنه .. رفض

قام زملاؤه بالعمل ما بعرف كم قبضوا من هالتاجر .. و قرروا يتخلصوا من الوالد

عزموه بيوم و قالوله تعال اسهر معنا .. والدي وافق ! ما كان عارف هالشغلة

سبحان الله باليوم اللي كان رايح الهم اجاه واحد بحياته ما شافه

قاله انت اللي معزوم مع جماعة - ... - ؟

قاله ايه شو عرفك ..

قاله مش مهم .. لا تروح هيك احسن !

بابا انجن شو القصة ؟

قاله ما تروح هما ناويين يقتلوك !!

و راح الراجل ..

بابا تاني يوم راح استقال ..

و استقال من مناصب كتيرة بسبب قصص الرشاوى ..

//

خلاصة القول انه .. الرشوة هاي عاملة زي السرطان

و عشان نتخلص من هاي الظاهرة لازم كل واحد يكون اله دور

لو انا و انت و التاني رفضنا هيك نظام و ما تعاملنا معاه .. آخرته رح يندحر

بس الشغلة بدها تضحيات .. ممكن يطلعوا عينينا من الصعوبات اللي بنلاقيها

لكن هاي مراحل لابد منها ..

الله يعين

يسلموا حسام !