[حسام المصرى]

الظروف بتضرك كتير انك تدفع فلوس المفروض متدفعهاش ..

يعنى مثلا دلوقتى أنتا فى مطعم .. والعامل بقى يقولك " منور يا باشا واتفضل ويبقى ناقص يشيلك "

وأنتا فى الآخر بتضطر تديله فلوس أو بقشيش ..

وأنتا فى مستشفى أو مصلحة حكومية والدنيا زحمة أوى تلاقى الساعى تديله 20 جنيه ولا حاجة ويخليك تدخل أول واحد ..

ولا لما تروح لموظف عشان ينجزك يا صاحبى .. يبقى لازم كمان تظبطه ...

وأنتا فى الميكروباس فى وقت زحمة جدا وتلاقى السواق غلى الأجرة بدلا مهى ب 20 جنيه بقت ب 25 مثلا

فتضطر تدفع ..


حاجات كتير بنضطر فيها أننا ندفع عشان ننجز ونمشى الأمور .. هو ده صح ولا غلط

هى دى رشوة ولا فهلوة أنك تنجز أمورك بالفلوس ..

وايه رأيكم فى المقولة اللى بتقول ..

اشترى راحتك بالفلوس