[Arabian girl]

المشاركة الأصلية كتبت بواسطة ::حمادة:: معلش أخي شهيد أليس من حرية المرأة أن تظهر بما يحلو لها . ليش المنطق الحجري المتحجر هاد ياخي البنت حرَانة وبدها تخلع حجابها الله أكبر والله لو أنها شو يعني ملكة جمال العالم وبعدين يعني في حاجة أسمها منطق وفي حاجة إسمها تشدد وانت الي بتعاني منه ومش لحالك بس كتير من الأعضاء يعانون من التشدد والتشدد مكروه صح ولا لا يعني أنا ديما أربعا خميس جمعة بتلاقيني بالعقبة بالاردن وكل يوم بالبحر ومابشوف الي أنتو معتقدينه ، انتو مكبرين القصة صح في مسيحيات بنزلن على البحر بالمايوهات بس بيضل في عندهم حاجة إسمها أدب.


اتمنى العقل الحجري يذهب أخي شهيد لأن هناك مايدعى بالحرية .

اخ حمادة اسمحلي ارد عليك
بما انو نحنا مسلمين وبما انو نحنا بنآمن انو القرآن من عند الخالق وبنآمن انو كلام الله وفي هادا القرآن الله سبحانه وتعالى بيؤمرنا انو نلبس الحجاب يعني الحجاب فرض والحكي مو من عندي
فنحنا ما بنسمي طاعتنا للخالق تشدد وما حدا بيعرف بمصلحة الناس اكتر من اللي خلقهم حتى لو بدا احيانا بعض الاشيا مو منطقية للانسان بس هادا لانها اكبر من مداركه
لانو لو تيجي على احصائيات عالمية رح تعرف الحكمة من التشريعات اللي حضرتك بتحكي عن الالتزام فيها تشدد
فمتلا باميركا اللي بيروجو لحرية المرأة واللي عندهم كل هالتطور والانفتاح وما الى ذلك بتلاقي نسب كبيرة كتير وبأماكن مختلقة وخصوصا بالعمل نساء بشكو من التحرش الجنسي
وازا بتحب تبحث بهادا الموضوع رح تندهش لاني انا نسيت النسب بالزبط بس زاكرة المعلومة بشكل عام واللي بتحكي انو نسبة كبيرة من النساء والفتيات في المدارس باميركا بيشكو من التحرش الجنسي
وهادا كلو بسبب شو
بسبب المظهر للمرأة الي بيجذب الرجل
وهادي شغله فطرية الانجذاب بين الرجل والمرأة والانجذاب الجنسي بزيد كلما تبرجت المرأة
وهادا الشي ما حدا بيقدر ينكرو
والله اللي فرض علينا الحجاب بيعرف بهادا الموضوع
وبما انو المرأة حتتزوج رجل واحد ليش لتثير الشهوة بقلوب باقي الرجال
حتى لو كان مو القصد اثارة الشهو بس هو عم بيصير
غير هيك ازا الحر مشكلة في اثبات اخدتو بالفيزيا انو اللباس الواسع الغامق بيقلل درجة حرارة الجسم
حسب عملية نقل الحرارة بالحمل والتعرق وازا الوحدة ما بدها تلبس هيك بايام الصيف بتقعد بالبيت وباليل بتطلع
وفي الف طريقة للوحدة لحتى تروح عن نفسها من الشوب وهي لابسة الحجاب
فالحر ليس عذرا للتعري
والمفروض اخ حمادة تفكر بالحكي قبل ما تحكيه لانو الحكي احيانا بيطلع منا عن عواطف مغلوطة او تفكير مش صح
ع كل انا شخصيا بآمن كل الايمان انو الحجاب لمصلحتي وانو نعمة من الرحمن الذي يريد حفظنا كجواهر ثمينة
وما بعتبر طاعتي لله سبحانه وتعالى تشدد
وانا بوافق حكي الاخ شهيد
مع انو مو بكل المجتمعات ممكن يكون نشر صور البنت فضيحة بس كموضوع التعري انا ضدو
وبعتقد انك يا اخ حمادة ما بتقبل لاختك او امك او بنتك بالمستقبل انها تنزل بالبيكيني على البحر
وهادا سببو الغيرة والخوف عليهم الا الاشخاص اللي اختفت الغيرة من قلوبهم والاهتمام ايضا


تحياتي :)