[نور الهدى]

ما اظن المسألة مسألة حب او بغض بقدر ما هي مسألة كِبر و شوفة و حال و انقلاب للمفاهيم

و اعتقد بهاي الحالة المسألة اخطر .. و الحل اعقد ..

كثير مرات لما كون راجعة من دوامي المدرسي و لما بطلع من الجو الاسلامي اللي بالمدرسة .. و انه ما حدا بيحكم عليك من مظهرك او من خلال دينك او من خلال جنسيتك او اصولك .. بيكون في صراع مع المجتمع

صراع بارد .. صراع صامت !

من خلال النظرات .. من خلال المعاملة .. من خلال طريقة الكلام حتى

هاي المعاملة هي نفسها مع اي مسلم .. سواء كان جزائري .. سوري .. لبناني .. مغربي .. او حتى فرنسي !!!

بفكر و بقول .. سبحان الله الكافر ما فرق بيني و بين المصري او اللبناني او غيره .. لانه شايفنا من طينة وحدة و من دين واحد و اصل واحد .. و لانه اساسا ما في فرق

لكن احنا فرقنا فيما بيننا !!

ليش طيب ؟؟

اول سبب غياب مفهوم انما المؤمنون اخوة .. مفيش فرق ولا في حدود ..

للاسف صاروا الاخوة اللي من دم واحد بيرفعوا على بعض دعاوى بالمحاكم !!

السبب التاني .. مخلفات الاستعمار .. استغرب من المسلمين اللي حاربوا من اجل الاستقلال لكنهم رضيوا بالتقسيم الاستعماري لبلادهم !!

الجزائر ما كانت جزائر و المغرب ما كانت هيك .. و العراق ما كان مقسم بهيك طريقة ..

لكن احنا طلعنا المحتل فيزيائيا .. بس ما طلعنا روحه .. و هي لهلأ موجودة .. و بنحس فيها من خلال العصبيات القومية الجاهلية للاسف ..

//

فردا على سؤال الموضوع

لا احنا ما بنحب بعض .. و لو حكينا انه بنحب بعض بنكون كذابين .. لانه القول يرافقه عمل

و للاسف احنا ما بنعمل شي

الشيء الوحيد اللي بيعمل فيها هو لساننا ..

و الله المستعان ..

موضوع اثار الاشجان والله .. بصدق