رد: لمــــــــــاذا يا عـــــــرب !!!!! تساؤلات حار بها عقلي و لم يشفي غليلي بإجابة شافية !!!!!!!!!
آآآه يا عرب
سبع أحرف تهز الكون ..؟..
تفجر فى الصخر بركان ... جبال الدنيا تتزلزل تعجل غضبة الرحمن , تطفى الشمس فى سماها توقف دورة الأزمان, يموت الغصن فى عوده ولا نسمع دعا كروان . تصير الأمة بلاد أشباح ولا يسكنها غير غربان , يتبدل أذانها نواح تبعدكم عن الغفران , سبع أحرف تغير نظام الكون نشوف الحمل يأكل الديب . تخاف الأسد من الجرزان . نباح الكلب يطربكم . تبدل شهدكم قطران . لاهم أسفار من الإنجيل ولا آيات من القران ولا هم المثاني السبع أتى بيهم نبي عدنان ولا مزامير من التوراه ولا إعجاز من الفرقان . ولا هم سفينة نوح تحميكم من الطوفان ولا هم حوت يونس ينجيكم الى الشطآآن ولا هم عصا موسي تزيح عنكم جيوش الكفر والطغيان , دا صرخة حزن جوانا يتوه فيها بنى الإنسان ... آآآآه يا عرب ... بلاش نحكي ونتحاكى على أمجاد فقدناها نسجنا من الهوان أوهام بقلوبنا سكناها خلعنا عزة الإسلام وملناش منجى الاها لبسنا من القرود ثوبهم لا ليه عفه ولا عهود بيرعاها وليه نبكي ونتباكي ونشكي ليه ونتشكا على فرقة على مهانه على توهه زرعناها وزرعنا طرح أشواك إحنا اللى جنيناها ( أبو القاسم وأتباعه أبو بكر وعلي وعثمان) ..بنولنا صروح هدمناها دى صرخة ذل جوانا نورثها لأولادنا ومنكم ليه ورثناها يلاحقنا طول حياتنا عار وفى الآخرة نصيبنا نار هنصلاها آآآآه يا عرب بنادي عليكم من قلبي لفين رايحين دروب الدنيا وخداكم وفى الضلمة ليه تايهين لا ليكم دليل يهديكم وفى التوهه كلاب ضاله نعاج شاردين تبيعوا بالرخيص الدم وفى سوق النخاس خاسرين ,,,,بلاد الأنبياء الأطهار عقد الماس فرط منكم وليه ساكتين , يا قدس يا مهد روح الله ... يا منجى النبي موسي فى طور سينين ,, يا أقصى يا مسرى المصطفى الغالى يا أول قبلة للعابدين ,, تهون الروح ولا تهونوا ولا يكمل الا بيكو الدين ,, جبال الدنيا وترابها ورمالها لو كانت دهب وياقوت ما تساوي منكم بكى وأنين ,,( يا كوفه يا بصره يا بابل.. ليه باعكم عرب خاينين بكى دجله على بغداد زاد البياض فى العين وانا من همي طال نوحي يارب اكتبنى فى الصابرين آآآآه ياعرب كفايه لعب بعقولنا دليلكم فى الكرامة غاب ,, زرعتوا الفرقة ما بينا وصرنا فى بلادنا أغراب ,, وبعتوا أرضنا الطاهرة جيوش الكفر جاتها أسراب ,,, ولما قاومنا بحجارة سميتوا الجهاد إرهاب ؟؟.. وروحتوا للعدو الملحد سجدتوله على الأعتاب .. ليه يا عرب ؟ سؤال : طول عمرى ملازمنى سألنى عليه فى يوم إبني ليه أمتنا أهون ناس ؟ وليه تتزل ؟ وليه تنداس ؟ وأنا فى حيرة ومش لاقي لإبني جواب ! آآه يا عرب ....
لو نبكي العمر كله مين يعوضنا الى راح مين يمسح دمع اليتامى مين يداوى فينا الجراح مين ينادى بأعلى صوته يا أمة حى ع الفلاح آآآآآآآآآآآآآه
لو نعيش الدهر كله مين يرجع الى ضاع مين يحيى اللى اتقتل مين يحاسب الى باع مين يكون للسفينة بعد ما غرقت شراع مين يصدق يوم كلامكم يا أمة عايشة للخداع .. أمة مثواها الظلام والمهانه والضياع .. أمه ملهاش شراع ملهاش دراع وما فيش للنور شعاع يا أمة العرب ضاع اللى ضاع يلا الوداع ..
والى اللقاء ....
جهزو لينا القمم ؟... أسواق تباع فيها الزمم
|