[لالا-فلسطين 48]

مرحبا،


تقريبا... عايشت تفاصيل الموضوع بدقة...

أول اي وقبل كل اي أنا مع انو الموضوع يستمر.. يمكن ما يخدم هدفه، اللي هو ردع الادعاءات الموجهة وتغيير وجهة نظر اصحابها وبالادلة...

بس انا شخصيا كتيييييير بستفيد من هالموضوع، لاني كتيييييييير كنت حابة اسمع حكي من الناس نفسها ومش من الاعلام اللي موجه وملون بأغلبه...


وصدقوني انه نقاشات زي هيك ما بتنقص من أصحاب الحق قشة، بالعكس بتدعم موقفهم وبتعززه طالما انه صحيح ومستقيم وطالما انهم مقتعنين حق القناعة فيو!!!!!!!!


أكيد اللي رجعة ووقفة مطولة اكتر مع الموضوع وتوجيه رأيي بالاخر...


بس كمان عرب ال48 يلي همي جزء من الشعب الفلسطيني حبيت انقلكم صورة عن الوضع اللي عايشينه...


طبعا عرب اسرائيل، او لع هاي تسمية خاطئة، بالاحرى فلسطينيو الـ48..

زماااااااااااااااان رموا الخير من اشي اسمو فتح، اصلا من يوم يومها وما بدها المسألة هالقد حداقة، الجماعة مبيوعين اشكرا!!!

وتقريبا أغلب عرب ال48 بأيدوا حماس مذهبيا، قياديا، ومعنويا وما استطاعوا...

بظل في فئة مش حجمها كبير من الشعب اللي هو حيادي ومش مستعد ينتمي ولو بس معنويا او يأيد أي حزب بدعوى انو الاشي يثير التحزبية والطائفية، وجزء من هالفئة ضد حماس في انها تستمر بالحرب وبدها حل وسط بس اكيد ما بتأيد فتح ولا بحبة ولا بدها مفاوضات "فاشلة" متل تبعت عباس وشلته... وازا صارت ولقيتو حدا مع فتح، مع انو مش رح تلقوا فبكون مضطر لاجل مصالح معينة وشغلات حابب يوصلها سواء الدولة (دولة اسرائيل القصد) او فتح من قريب او بعيد الها ايد فيها.. يعني ما يسمى بمصالح مشتركة...

وبتخيّل انه كتار من الشعب الفلسطيني الفتحاوي هاي هي دوافعه لانه يقول عن حاله "فتحاوي" او انه بكون "مسح الدماغ" شغال عندهم!


وبتزكر مرة محاضرنا مقبلش يشترك بنشاطات "القدس عاصمة الثقافة 2009" لما قرروا يقيموا نشاطات بمدينة الناصرة بال48، بس لانه عباس واحد من الراعيين الرسميين لهالمشروع!


اما انه حماس هي الوحيدة اللي بتحسبلها اسرائيل حساب فهاد واضح جدا...

لانه ازا حب حدا من ال48 يخوفله شي يهودي بحكيلو دير بالك منا احنا حمساوية، فيدب الذعر في نفوسهم..


انا شخصيا أهلي وكل من حولي من مؤيدين حماس الأُوَل...

وانا لما كنت اعمل هيك كان بدافع التقليد..

بس لما وعيت عالدنيا وبلشت هالقضية تهمني وتثيرني.. قررت انه الاشي ميكونش بدافع التقليد، بس يكون نتيجة قرار شخصي ابنيه انا لنفسي، وطبعا يعتمد عالادلة والاثباتات اللي انا بنفسي رح اتوصلها ومش اتبناها تبني!!!

الاشي صعب كتييييييييييير ومش شوي في ظل تغييب تاريخ الشعب الفلسطيني من جميع مناحي الحياة في الدولة... والاعلام برتكنش عليه ولا يوثق فيو 100%... مشان هيك رح تكون الجهود شخصية!!!


بس اول دليل في رصيد عملية البحث انه فلسطينيو الـ48، غير خاضع اي منهم لسلطة فتح او لسلطة حماس... يعني تقريبا من ناحية مادية همي بعاد عن هالقضية ومش عايشين تحت نفوذ ولا أي فئة منهم... فلذلك همي احرار باختيارهم مين يأيدوا والاختيار بكون خالي شبه اكيد من أي تأثيرات او ضغوطات ممكن تتشكل بهيك حالة...


وانه فضلوا حماس اله مؤشرات وانعكاسات كتيييييير كبييييييييرة...



ويا ريت لو في حدا يمثل الطرف الاخر ليناقش ويجيب ادلة بتعغبي الراس ومش ليخانق ويبلطج..

واكييييد مش ليقنع او يروج لجزبه لانه الامر مفروغ منه، بس ليكشف مدى صحة ادعاءاته ضد حماس...

وازا الاشي فاد رح يفيد الحمساوية اول اشي، لانه بعطيهم صورة كيف هالناس بتفكر وعلى شو بتعتمد اساسا!


* * * * *


فازا هالموضع استمر يمكن يعمل كتييييير تغيييرات ويكشف ناس كتييييييييير لحقائق ولواقع معين بتسهم بشكل كبيييييييير في بلورة وجهة نظرهم...


فلا تنسوا انه مش كل اعضاء المنتدى اللي يهمهم الامر عايشين او حمساوية، فالاشياء اللي عم تحوا عنها يمكن تكون مفهومة ضمنا لالكو، بس لغيركو لع...



ومن هون بحيلكو: "استمرووووووووووووووووووووووا". .
لالا-فلسطين 48.