[~][وحيدة القمر][~]

اذا لم تكن الميزة الخاصة التي تجذبك في هذه القائمة فلا تبخل علينا بها حتى نعرفها جميعا

صفصف حبيبتي .. في أشياء بتلفتني بصديقتي أو بالبنت قبل ما تصير صديقتي

بعد الإلتزام والأخلاق طبعا لأنهما صفتين مفروغ منهما

بتلفتني روحها المرحة .. ما بعرف أنا كتير بحب الأشخاص المهضومين الفكاهيين إلى حد ما .. ما بحب الجدّيين بكل الأوقات

وشغلة تانية بتلفتني .. إني شوف نفسي فيها .. كيف يعني؟ :) يعني يكون عندها صفات بتشبهني .. كأنها مرايتي

مثلا دايما رأينا بيكون متقارب ودايما بتكون قرراتنا متماثلة ..

بعرف بشو عم بتفكر .. بتعرف بشو عم فكر ..

هيدي بعتبر إنها صديقة عنجد .. وخسارة كبيرة إني أتخلى عنها

والحمد لله عندي صديقة هيك .. لدرجة إنو بتصادف بإننا مرات بنتصل ببعض بنفس الثانية وبيطلع الخط مشغول عندي وعندها

نكتشف إنو كنا بنفس اللحظة عم نتصل (هيدا مثال مش قصة حياتي هههههه)

بس للأســـــــف هلأ خفّت صداقتنا شوي بطريقة لا إرادية .. لأنها انشغلت هي بحياتها .. بس لسى محافظة على حبي إلها .. وحبها إلي

المهم إن شاء الله ما كون طولت عليكم .. بس ذكرتيني بأيام حلوة مضت :(

موضوعك على الجرح لأنه في زماننا صعب اختيار الأصدقاء .. ما ننحرم من جديدك صفصف ^^