[حسام المصرى]

بالنسبة ليكى يا دموع الرحيل فأنا مقتنع جدا بكلامهم هما مسلمين طبعا واللى يهمه أكيد الأقصى ..

لكن مينفعش نلقى بانفسنا فى التهلكة مينفعش نحط ايدنا مع حماس اللى بتتمول من الشيعة .. اللى الشيعة كل همهم أنهم يقضوا على المسلمين السنة .. مينفعش ندخل معاهم وهما عاملين مشاكل حتى مع أبناء عشيرتهم .. هما محتاجين فعلا توحيد صفوف .. الدولة الفلسطينية لازم يبقى ليها كيان واحد يدافع عنها ..

كفايانا مسميات بقى تعبنا الصراحة من فتح وحماس والأسماء الأخرى ..

مهو لو احنا مسلمين فعلا زى مبتقولى يبقى كفايانا بقى مسميات ونحارب تحت راية واحدة هى راية الاسلام .. مش فتح وحماس وجهاد ..

بالنسبة لمصر.. مصر احتلت واتبهدلت لأنها ساعدت فلسطين .. هو مين اللى حارب أساسا غير مصر.. أكيد اتعلمت من الدرس ومش هتدخل فى حرب خسرانة تانى .. خصوصا فى الظروف الحالية دى .. واحنا فينا اللى مكفينا على رأى أى واحد مصرى ...

وبعدين أنتى بتتكلمى على حماس جامد أوى .. مش عارف ليه ..

كلنا قرينا على المواقع كره الكتير من الفلسطنيين حتى لحماس..

ايه اللى عملته حماس .. والله لن أنسى قول أحد الفلسطنيين على أحد المنتديات .. حماس يقتلوا 12 اسرائيلى ويموت قصادهم 1000 فلسطينى وهما يستخبوا تحت الأنفاق بتاعتهم والشعب اللى بيروح ضحايا .. أقسم بالله العظيم أنه قال ذلك ..

حماس نفسها يا أختى تملك أعداء كثيرون من داخل فلسطين نفسها ..

يا ستى احنا معاكى أن الصواريخ دى يعتبر حاجة كويسة انهم يعملوها فى ظل الظروف الصعبة بتاعتهم ..

لكن للأسف ولا بتعمل أى حاجة .. حتى لو خوفت اليهود مهما لو نزل على أرضهم صاروخين بيردوا بآلاف الصواريخ والقنابل .. وبتبقى مجزرة .. يعنى مين اللى خسران ..

ومين قالك أن مصر قلقانة من حماس .. المصيبة أن حماس مش عارفة هى بتحارب مين .. الفلسطنيين ولا مصر ولا اسرائيل .. واللى يحارب عشيرته أكيد المفروض نعمله حساب حتى لو كان مش قوى .. واحتا كنا سايبنها تمرر أسلحة من الأنفاق اللى بيأجرها الفلسطنيين بالدولارات .. لكن لما تدرب ناس وييجوا يدخلوا بلدنا وموتوا ناس سواء على الحدود او داخل أرضنا .. فوالله أكيد كل مصر هيكون فيه من الغل ما يكره حماس كلها وده كان واضح جدا فى تعليقات المصريين فى البرامج التليفزيونية يوم مقتل الجندى المصرى على الحدود ..
هذا ما تريده اسرائيل .. تدهور فى الأوضاع بين مصر وحماس يخلوهم يضربونا زى ما ضربوا فتح .. واسرائيل تنبسط وحماس طبعا بتعمل كده .. أتذكر لما جابوا شوية عيال جيين ينطوا الحدود بتاعتنا .. طب والله ده لو مصريين حاولوا يعمولها أكيد هيضربوا بالنار.. دى حدود مش هزار..
وبعدين مهم قواد حماس بيدخلهم عربيات bmw زى الفل .. أنا مش عارف بيعملوا بيها ايه ........

على فكرة رأي أصحابى وان كان لاذع فهو رأى فئة عظمى .. وتابعى البرامج المصرية وسوف تدركى ذلك جيدا ..

وبعدين دورى كبير مين بس .. دنا لما قلتلهم هما يمكن بيقولوا الحقائق .. قالولى ؟أنت ساذج جدا .. طبيعى انهم هيقولوا الكلام اللى يخدم مصلحتهم ..