[وَطنْ~♥]

مشآهد غزية أخرى :
مشهد رقم -1-
البآئع الكيلو بـ 3 شيكل ونص ) ..
المشتري: ول .. ول على إيش .. بنشتري دهب احنا !
البآئع : خليها علينا .. خدها ببلاش (يما النصب)
المشتري: لا يا خوي .. انت خد حقك وانا آخد حقي ..
(لاحظوا:3ونص شيكل )
البآئع : يالله مشان خاطركـ . بلاش النص .. هه
المشتري: تسلم يا عم (هاد الي قدرك عليه ربنا)
ينفض المجلس وكلاهما مكشرَّان .. هع


مشهد رقم -2-
المحاضِر : ليش متأخر ..؟
الطالب : المواصلات
المحاضِر : كان طلعت بدري ..
الطالب : مهوا السواق لف مية لفة ..
المحاضر: لو إنك طلعت بدري بتلحق لو ايش ما لف
الطالب: مهو المنبه رن متأخر ..
المحاضر: قول إنك كسول وما بتصحا بدري من الأول ..
الطالب : الحق عالسواق عكلن ..

مشهد رقم -3-

الأب : ها يابا .. كيف دراستك ؟
الابن : تمام التمام .. عييييييييييييييب ! (وما أدراك ما العيب)
الأب : بعرفك أسد .. يالله مشان تبيض وجهنا قدام الناس ..
الابن : أكيد يابا .. ما بدي توصاية ..
(الأب مصدق حالو .. والابن متجلي أنه ضحك على الراس الكبيرة
حيث أن الموبايل يقع تحت الكتاب تماماً ...)

مشهد رقم -4-

مواطن دغري : نزل العلم أحسنلك .. بلا هالمشاكل
مواطن مخو مش مسفلت : مش منزلو .. ينزلو كفني بعدين بنزلو
الاول: ولك كلو شقفة علم ..
الثاني: لا هاد عزتنا .. ولا بدك أقلب مع المنقلبين ؟
الأول: يا أخي بس انت بتجيب لحالك مشاكل ..
الثاني : (يقاطع الأول) ..لو على قبري يا زلمة ما بنزلو شو ما يسووا
الحماميس ..
(وعند سماع الثاني لقصف إسرائيلي أنزل كل الأعلام من تلقاء نفسه
وقال: ورانا عيـــآل )

مشهد رقم -5-

بنوتة1:شفتي أغنية أليسا الجديدة .. بتخوت.. طرقعتلي مخي ..
بنوتة2: عندي نغمة .. توخديها بلوتوث
بنوتة1: يا وردي شفتي فسطانها(بالغزاوي هه) دوخني دوخ ..
بنوتة2:بتعرفي ولي وين شفتلك زيووو .. أخوه ما بتفرقيه ..
بنوتة1: آه ..(مسألة مصيرية) قوووووولي ..
بنوتة2: في النصر .. عند محل زهرة الخليج ..
بنوتة 1: يوم بحلق لمحاضرة وبخطف رجلي(يومها يعني) وبشوفو
بنوتة2: لسا والله في أشيا بالسوق بتجنن .. ولآ اللابتوبات رخصووووا
وفي زغار بيجننوا ..
بنوتة 1: قولي وغيري .. بجدددددددد ؟
2:والله والله .. (مش مصدقة الأخت)
(ويستمر الحوار عبر الإميل .. علماً بأن غزة في حصار)