[قسامي غزة]

المشاركة الأصلية كتبت بواسطة لالا-فلسطين 48 سلاااااااام


هيك انا بكون اول المشاركين.....

القضية غريبة وبتخطرتش عالبال انه يتناقش فيها...... فكان طرحها كتييييييير حلو بالنسبة لالي....



اول اشي، انا غير متابعة للفن واهله من يوم ما بلشت دراسة... بس هاد لا يعني اني بحرم سماعها، ومن فترة غير قصيرة حسيت انه صارت عندي نقلة نوعية وهي اني مرحش اشغل هيك اغاني!!


صرت اهتم اني افتش عالاغاني الوطنية، وبعد ما احتكيت بالمنتدى اكتر شفت قديش كمان الاناشيد المحافظة المتوفرة هون حلوة وراقية وصرت كتيير استحليها!!!!!

وخصوصا اللي بحطها ابو مجاهد بالتواقيع.. فمن هون بحكيلكو يعطيكو العافية وكمان انت قسامي مجهودك كبير بهالمجال.


ولاني غير متابعة لاشي اسمه "فن" باختلاف انواعه.. فلما كنت اشوف بالمنتدى عناون موضوع انه في اغنية لوائل جسار، كنت احكي شو جابه هاد هون ماهو كل اغانيه غير دينية..... ففكرت انه القصة بس تشابه اسماء..



اما بالنسبة للب النقاش....

فأنا شخصيا بشوف انه صوت انسان مين ما كان بتهمنيش تفاصيله اعجبني، سواء كان في ترتيل القرآن او اناشيد اسلامية، بترددش اني اضل اسمعلو.....


تفاصيله الشخصية بتهمنيش، مع اني مرات ببدي حب استطلاع بهالشغلات...

نظريتي تعتمد على اساس انه احنا اقل من انه نيجي نحاسب انسان ايا كان ونحكم ازا مناسب اله يغني هيك اغنية او لع......

مين احنا لنحدد ازا الاشي يصلح او لع....

مش يمكن تكون بداية رجوع الانسان الى خالقه بهذه الطريقة...


بس بحب اشير انه في القضية نفسها في تناقض بنظرتي لالهم...



بس من جهة تانية بحس باستياء (بالزات بحالة ام كلتوم اللي بلشت ترتل قرآن ولما اكتشفت حلاوة صوتها اتجهت عالغناء!!!!!).. انو ولو تقربت كل هالقد من الدين ومغدرش الاشي يردعها عن طريق الابتعاد عن الدين......

فكتير الاشي بضايفني وبعكرني داخليا!!!!!!!



بس بالاخر ما بشوف انه غلط او كارثة اسمع اشي ديني من فنان بغني اغاني "خلع"....... وكمان مرة مع اني بكتير حالات بستثقلها وبحس فيها تناقض بس لا يمنع اني اسمعلو طالما انه الصوت اعجبني!!!!!!


ابو محمد..

موضوعك عالوجع قبل اكمن يوم كنت اتناقشت انا وصاحباتي كيف في انه عنا صبايا بالكلية سلوكهن وكمان مظهرن يوحي بالسلبيات... الا انه تفاجأت لما شفتهن رايحات يصلين...

انا كان موقفي الامتعاض انه يا الله شو هالتناقض، طيب ازا مش من ناحية مظهر عالاقل السلوك والتصرفات تكون مقبولة... بينما صاحبتي كان موقفها انه يعجبن ويشنعن ويصلين ولا ينسين انه في اشي اسمه الله.. لعله تكون باب هدايتهن!!!!!


يعطيك العافية...


تحياتي..
لالا-فلسطين 48.

هلا فيكي لا فلسطين
انتي تاني مشاركة مش الاولي
سبقتك فلسطينية
أول شي أنا راح أعقب علي كلامك
بس ببداية كلامي شي جميل إنك ما بتسمعي أغاني
ويارب تضلك علي هيك علي طووول

فأنا شخصيا بشوف انه صوت انسان مين ما كان بتهمنيش تفاصيله اعجبني، سواء كان في ترتيل القرآن او اناشيد اسلامية، بترددش اني اضل اسمعلو.....

أنا بعارضك الرأي بهذه الجملة
لانوا أنا كيف بدي أقتنع بكلماتوا للقرآن وأنا عارفوا مغني فاسق
أنا ما بدي صوت حلو بس أسمعوا ويعجبني
أنا بدي أستمع لإنسان محترم قبل الصوت الحلو

نظريتي تعتمد على اساس انه احنا اقل من انه نيجي نحاسب انسان ايا كان ونحكم ازا مناسب اله يغني هيك اغنية او لع......

كلامك صحيح أختي
لا أنا ولا إنتي ولا أي حد إلوا الحق إنوا يحاسب حدا
لانوا ما النا صلاحيات نحاسب فلان وعلان
ربنا الي بيحاسب الجميع
بس كمان ما ننسي الافعال بتعتوا الي بتحكم عليه
أنا شايفه ممثل وكل يوم بيمثل مع ممثلة شكل
وفي افلاموا او حفلاتوا مشاهد خليعة
مدام هوا مش محترم القرآن الي بيقرأو
كيف أنا بدي أحترموا وأستمع الوا
القصة بسيطة مش معقدة

مش يمكن تكون بداية رجوع الانسان الى خالقه بهذه الطريقة...

هوا أنا زعلان إنوا يتوب الي ربنا
هاد شي أنا بتمناه لكل الناس
بس لو مرة قرأ قرآن او اناشيد اسلامية
وبعد فترة رجع يغني تاني وبعدها قرأ قرآن وبعدها صار يغني
في هذه اللحظة بيكون القراءة تجارة مش توبة

من جهة بحكي خلي الانسان بلكي تاب وانهدى... وبنبسط كتير من هيك اخبار.. وكمان انه قد ما يعمل معاصي بضل يعرف طريق الخير (الاشي بشبه قضية اللي بصلي وبقطش واللي بصليش من مرة)

وشو الفايدة إنوا بيعرف الصح وبيعرف الحلال والحرام وما بيعمل بيه
الدين مش مشان نقعد نلهو فيه
أنا عارف وين الحلال والحرام بس ما بعمل فيهم
زي الي بيعرف انوا الخمرة او السجائر حرام طيب بنحكي الوا ليش ما بتبطلوا
بيحكي لما ربنا يهديني
طيب بطّل من هذه اللحظة وبطل دخن لاء
بستني الوحي ينزل عليه ويحكيلوا بطّل التدخين
شي متناقض فعلاً

بس بالاخر ما بشوف انه غلط او كارثة اسمع اشي ديني من فنان بغني اغاني "خلع"....... وكمان مرة مع اني بكتير حالات بستثقلها وبحس فيها تناقض بس لا يمنع اني اسمعلو طالما انه الصوت اعجبني!!!!!!

القصة مش قصة كارثة
بس القضية قضية قناعة للانسان
أنا قناعتي ما أسمع لهدول الناس
مدامهم مش تائبين لربنا
لانوا أنا ممكن لما أسمعوا بساعده بطريقه غير مباشرة للحرام
انوا ينشهر ويتلمع بزيادة
القضية مش حكاية صوت بس
القضية ايش هالشخص بيكون الي أنا بسمع الوا

موضوعك عالوجع قبل اكمن يوم كنت اتناقشت انا وصاحباتي كيف في انه عنا صبايا بالكلية سلوكهن وكمان مظهرن يوحي بالسلبيات... الا انه تفاجأت لما شفتهن رايحات يصلين..

ما بعرف كيف قناعتهم هذول البنات
عندهم الدين لا يتدخل باللبس أو المظهر
كل منهم شي مش مربوط بالتاني
قناعة غريبة

وفي النهاية استمتعت بالنقاش معك
ونورتي الموضوع