المشاركة الأصلية كتبت بواسطة .:.!دموع الرحيل!.:.
هلا يا قمر ..
بالنسبة للسؤال الأول ..
مآ في مجآل لأي انسان مذوق .. وعنده أخلاق
إلا أنه يقدر عمل وجهـد أي شخـص ..
سوآء كـان في نتيجة لهالجهـد أو لاء ..
لأنـه القدرات بتختلف من شخص لآخر ..
غير أنه الظروف بتلعب دور أساسي جدآ بهيك قصص ..
يعـنـي يمكن شخص .. يقدم 20 % مـن الجهـد ..
وينجح لأنه الظروف الي حواليه ساعدته أنه ينجح !
ويمكن شخص يقدم 99 % من الجهـد
لكن ما ينجح أو ما يوصل للنتيجة المرضية
لأنه الظروف الي حواليه كـانت ضده عكسه ..
وممكن شخص يقدم وينجح .. يعنـي تختلف الحآلات
لذلك من الظلم .. الحكم على النتيجة دون
النظر للجهـد ..
وما أظن بساويها إلا أصحآب النظرة السطحيه ..
أو منكروآ الفضل !
مزبوط معك حق وانتي كفيتي ووفيتي برأيي انو الجهد الو تأثير كتير كبير لكن القضاء والقدر والظروف يلي حوالينا كمان بتلعب دور كمان ومش غلط انو الإنسان يحاول لغاية ما يوصل لهدفو
..
أمـا بالنسبة للزوج ..
هـيـك بدك تبلشي تدخلي بعالم غامض !
بالنسبة الي رح أحكي حسب ما بشوف من هالنآس ..
الرجال قليل لتقدري ترضيهم !
وللعلم مش بس النسآء الي ينكرن العشير ..
في نسبة كبيرة جدآ من الأزواج بينكروآ العشير !
هلأ بالنسبة لهالمووضوع بالذات .,
أول شي إذا كـان طالب منها تغيّر بشخصيتها العامة
فأنآ ضد انه تغيّر ..
طيب انت ليش ارتبطت فيها ؟!
مش لأنه هيه هيك عجبتك ؟
وعلى أساس شخصيتها الي بتضم
أخلاقها ودينها وتفكيرها
حبيبتي انا بختلف معك بهالنقطة لانو هو فعلا وافق يرتبط فيها على اساس انها كلها عاجبتو متل ما هي لكن هما الاتنين كل واحد فيهم اتربى بمكان مختلف عن التاني وهلأ صاروا فبيت واحد تحت سقف واحد واكيد كل طرف فيه امور ما بتعجب الشخص التاني يعني مش بالضرورة يكون نسخ لصق عن بعض خلص الا ما يكون في امور بيختلفوا فيها عن بعض ومش عيب ولا غلط لو حاول اي طرف يغير من حالو ليعيشو بسعادة وبدون مشاكل يعني يكونو بصفاء دائم ، لأنو هادا عُمر ، وطبعا كل واحد فيهم إلو شخصيتو وبالتفاهم بيقدروا يحلو الخلاف ايلي بينهم ويوصلوا لبر الأمان
.. قررت تستمر معهآ وتنتقل لمرحلة الزواج ..!
أمـآ إذا كـان طبع معيّن ما اكتشفو الا بعد الزواج ..
بصير شي تآني ..
من حقو تكون متل ما بده
وتملي عليه حياته من جميع الجوآنب ..
بس في عدة اسئله ممكن تنطرح ..
يآ هل ترى انت ايها الزوج .. كآمل ؟!
مآ فيك ولا طبع هي بتحب انك تغيره مشآنها ؟!
مستعد تغيّر من حالك ؟
قديش قدرتك على التغيير ؟
وقديش هي الجو سامحلها انه تغير من هالطبع الي فيها
طيب هالإنسـانه إذا كـانت خلوقة ..
كل شي فيها ممتآز .. وفيها هالطبع او هالشي ء المعيّن
بتنسى كل شي منيح فيها ..
ومآ بتشوف إلا هالغلط الي مش عاجبك ؟!
ما حدا يفكر انه ممكن يلاقي
شخص يجي ع هوآ أحلامه 100 %
معك حق طبعا وما بختلف معك واكيد هو اختارها لانو صفاتها واخلاقها عجبتو من البداية
ما بيقدر هو يفصل إنسـانه من نسج خياله ويقولها كوني !
طالما هيه عندها شخصيتها المستقله
المفروض يحب فيها هالشيء ..
لمآ بدها تغير مشانه .. مع الوقت رح يرجع يحن للإنسـانه
الي أحبها من بداية حياتهم
إلا اذا كـانت الشغله بالأخلاق ..
أو أمور خآصة ..
وبرأيي ساعتها هو إله أثر كبير بإنها تغيير من حالها
وهادا يلي كنت عم احكيه فوق هيك قصدي بالحرف:shababsmile240:
وطالمآ هيه حآولت
لازم تكبر بعينه ..
إلا إذا كان راكب راسه ..
ومفكر انه رح يلآقي انسانه كاملة 100 %
ساعتها هي مشكلته ..
رحح يضل ينصدم مرة تلو التانية
_
وللنسآء : أحبي نفسك .. رح يحبك متل ما انتي ..
شخصيتك تفكيرك الي بتعرفيه على حق ..
ما تغيريه مشـان أي حدآ
طبع سيء .. غيريه وحاولي تحسنيه
ورح تقدري !
غيريه عشـان نفسك أول شيء ..
ومن ثم مشـان زوجك إذا كان بيستاهل ..
ولو طلع ما بيستاهل بتكوني انتي من الاساس كسبتي حالك ..
الأمور الزوجية الخاصة
لازم تفهميها وتعرفي قيمتها
عشـان ما تكوني سبب أنه يعصي الله بسببك
لأنه ما اتزوجك إلا ليكمل نص دينه
ويعف نفسه
إذا حآولتي رح تقدري ..
مآ في حدآ ما بيقدر يوصل لشي صح .. طالما هو بحآول ..
لك يسلملي الفهمان الواعي ،، صلاة النبي عليكي حبيبتي كفيتي ووفيتي ما على كلامك اي غبار ربنا يحميكيللحديث بقية ..
لكن ما حآبة طول أكتر من هيك ..
بس حبيت اعطي اختصار عن رأيي بالنسبة للأمور
الي ممكن الانسان يغيرها .. والامور الي لازم يحبها بحاله ..
ما طولتي حبيبتي وخدي راحتك بالعكس هون بتفيدي وبتستفيدي واحكي وطلعي كل يلي جواتك بخص الموضوع
..
مآ ننحرم حبيبتي
ربنا يحميكي حبيبتي ماننحرم هالطلة الحلوة يارب