[مآهينآز]

المشاركة الأصلية كتبت بواسطة حسام المصرى والله مش عارف أقولك ايه أنا مشاغب وشقى .. ههههههههه

هو فى نقطة الامكانيات دى اكيد عندك حق طبعا ..ههههههههه متواضع جدا أنا الحمد لله

اجاباتك فى منتهى الروعة بس نصيحة ياريت تتقبليها

بلاش تتكلمى بلهجة غير المصرية .. لأنى محسبتكيش مصرية خالص وبعدين لما بقراها بحس انها تقيلة أوى اللهجة اللى حضرتك بتتكلميها

سؤال كمان يا مها ..
انتى بتقولى أنك بتدرسى قانون وانتى جايبة 97 % ازاى .. دخلتى كلية حقوق ليه وأنتى علمى

أهلَاً حسام ^^
على فكرة مِن وجهة نظرى الشخصية ( مُشاغب وَشقى ) مش عيوب ، بالعكس ..
فى سن الشباب بيسموها ( فورة شباب ) .. طاقة زيادة شوية ، بتبان فى الردود ^^
على كُلَاً وجهة نظر ، وعذراً إذا أزعجتك :)
وَشُكراً على الَإطراء - الله يسعدك ^^
:
بالنسبة لِلهجة ..
والله يا حسام انا مازلت بعتبر نفسى ضيفة فى شباب فلسطين ،
المُنتدى اسمه ( منتديات شباب فلسطين )
وَأنا مصرية ، لكن مادُمت أرتضيت إنى أنتسب لِـ شباب فلسطين ، وأكون عضوة فيه ،
يبقى أحاول اسير على نهجهم ( اتكلم زيهم ، وأتعامل زيهم ) المفروض انا اللى احاول افهمهم
مش هما اللى يحاولوا يفهمونى - انا اللى ضيفة عندهم
ثُم كمان فى عِلم اسمه التنمية البشرية ..
التنمية البشرية بتقول أنو اسهل طريقة تخاطب بيها الَأخر ، إنك تتكلم بلهجته ، وأسلوبه
بتكون أسهل فى الود ^^
عموماً هى مُجرد قناعات ، ونصيحتك على العين والراس ، وأكيد متقبلَاها وزيادة ،
بس كمان انا غالباً بحاول أكتب لغة عربية فصحى - افضل من اى لهجة ^^
اللهجة المصرية - لهجتى اللى بعتز بيها ، وبتكلم بيها - واللى الحمد لله فى نظرى الذ واسهل لهجة
بس اللغة العربية لغتنا ولغة اهل الجنة ، وإذا كنا مش بنسختدمها فى الكلَام ف على الَأقل
نحاول نستخدمها فى الكتابة ^^
:
انا جبت 97 فى تالتة ثانوى
لكن فى الثانوية العامة كلها على بعضها جبت 91 و تسعة من عشرة
مش شاطرة ابداً فى الرياضيات هى اللى بوظت المجموع :(
ودخلت حقوق لَأنها كانت البديل الوحيد لطموحى

منور حسام
اسفة على الاطالة ^^