* كوكتيل *
شـو كـان اسم الـمـدرسـة؟؟!
أبوعبيــدة بن الجــــراح
شـو هــو الـتـخـصـص؟؟!
علمي ومنيل ع عينــــو .. 
كـم كــانـت الـنـسـبـة؟؟!
هادا للي متفقناش عليه ..
62%
هـل هــاد كـان الـتـوقـع ولا لأ؟؟!
اصلا العلمي كلو ما كنت بدي ادخلو بس هيك بدو ابوي 
يعني كويس انو اجحت 
أعلى مــادة بالـدرجــات؟؟!
الأحيــــــاء 84
أقــل مــادة؟؟!
الفيــــزيــــــاء
أكـتـر مـادة كـنـت تـحـبـهـــا / تـحـبـيهـــا؟؟!
الريـــاضيـــــات ،،،
مادة ما بتحبها/يها؟؟!
الانجليــزي
* الــمـدرسـيـن *
مدرس/ـة كان له/ـا أثر واضح في تحسين نفسيتك ودراستك؟؟!
ما في ،،،
مدرس/ـة بتحبه/ـيهـا شو كان/ـت يـ/تـدرسك؟؟! وشو كان اسمه/ـها؟؟!
استاذ التربية الاسلامية ،،، ابومعاذ
مدرس/ـة سيء/ـة التعامل شو كان/ـت يـ/تـدرسك؟؟! وشو كان اسمه/ـها؟؟!
كتـــــــــــــــــار
أفضل مدرس/ـة بالشرح؟؟!
الاستاذ عمر
أسوأ مدرس بالشرح؟؟!
مش متذكر
احكي لنا موقف حصل مع مدرس ان كان موقف سلبي ام ايجابي؟؟!
طبعا انا معروف اليوم للي باجي فيه ع المدرسة الكل بستغرب ...
فأجى ع بالي احضر كيمياء وياريتني ما احضرت المهم الاستاذ شافني انبسط
وبقلي قوم يا دكتور بــلال اكتب الصيغة الكيميائية ولا المش عارف شو لهذه المهم اطلعت بطلع فيها اول مرة بشوفها
قلتلو والله يا استاذ كان نفسي اساعدك بس شو اسوي مش طالع بيدي شوف حدا من الشباب يمكن يساعدك ..
* مواقف *
موقف سيء حصل معك؟؟!
يوم ما نطيت عن حيطة المدرسة انا والشباب والمدير والبواب والامة كلها
صارت تلحق فينا وصرت من بيارة لبيارة عبين ما طلعنا من المنطقة كلها
يوم اخو شيكل
موقف جميل غير نفسيتك للأفضل؟؟!
يوم ما لقيت حالي ناجح في كل المواد العلمية
موقف محرج حصلك؟؟!
مرة من كتر الجوع اطلعت انا والشباب من المدرسة علشان نروح ناكل
المهم رحنا قعدنا في مطعم بعد شوية بمر مدرس وبشوفنا وبرد علينا السلام وهو بضحك
موقف حزين؟؟!
يوم امتحان الفيزياء طبعا يمكن الكل بعرف ع سنة 2008 كان الفيزياء والادارة
اصعب امتحانين اجو المهم الشباب تعيط وللي يصوت وللي اغمى عليه
وانا بضحك عليهم ،، المهم طبعا طلعت الاقلام وكتبت كل قوانين كتاب الفيزياء
ع دفتر الاجابات طيب حل يا بلال افففف ولا سؤال راضي ينحل
ولا قانون جاي ع الاسئلة ويومها المراقبين اتساهلو معنا
والشباب صارو يقوم وينقلو من بعض بس ع الفاضي فش حدا حال شي
كلهم وراقهم فاضية ابيض يا ورد هههههههههه
صرت اكتب القوانين واسيب السؤال فاضي يعني حالة مش طبيعي
وفي الاخر ما بشوف إلا انا ناجح في الفيزيــــاء كيف الله اعلـــم
كرامات يا عمي
هل مررت/ـي بصعوبات خلال مرحلة التوجيهي؟؟!
اكيـــد ،،،
* الحالة النفسية *
الكثير يقولون أن مرحلة التوجيهي تؤثر على شخصية الطالب!!
فكيف كان تأثيرها عليك؟؟ هل هو ايجابي ام سلبي؟؟!
والله انا قضيتها تسالي ،،، ولا كأنو توجيهي ..
كيف كانت حالتك النفسية خلالها؟؟! هل كنت كثير الاضطراب والقلق؟؟!
احيانا ،،،
هل كنت تشعر/ي انك غير ويجب ان يكون التعامل معك غير؟؟!
اهاا بكون كل شي متوفلك بس قول شو بدك
كيف كان تعامل الأهل معك؟؟!
كويس جدا
من ناحية الدراسة كانوا الأهل يطلبوا منك الدراسة ام كنت/ي مجتهدة بتدرس/ي من غير ما حد يقولك؟؟!
الله يعينو ابوي والله كان يتعب وهو يقنع فيا اقعد اقرا
* النتيجة *
شو كان شعورك لما بدأ العد التنازلي للإمتحانات النهائية؟؟!
كان شعور عادي ورحت ع المدرسة طبيعي ،، بس اول ما رن جرس البداية
حسيت الدنيا كلها صارت باللوان في عيني واني ناسي المنهج كلو
ماذا حصل لكم بالتفصيل يوم النتائج!!
قبل النتيجة:
والله قعدت انا والشباب نستنا بس ع الفاضي
مزعقوش اسامينا رحنا اعملنا اجتماع مصغر وقعدو عندي
ورحنا اشترينا غدى وشوية حلويات واغراض واكلنا وخلصنا
برضو الاسماء مش راضية تطلع يا ولد ،،
اخبط لهو بقولو اني انا ساقط في الاحيـــــاء مع انها اسهل مادة
حنيتها تذكرت شو للي صار معي في امتحان الاحياء لاني ما حذفت سؤال
راح عني 20 علامة يعني غلط مني
بعد النتيجة:
عادي اشي طبيعي وكنت متوقعو والله النتيجة ما هزت شعرة من راسي
مش اهلي للي بدهم اياني علمي يتحملو 
كيف تلقيت النتيجة ومين خبرك اياها؟؟!
النتيجة كنت عارفها من قبل ما تطلع
* ما بعد التوجيهي *
بماذا كنت تحلم ان تدرس؟؟!
هنــدسة معماريــــة
هل كان المعدل بيسمح لدخول هالتخصص؟؟!
لا بس لو دخلت دبلوم بقدر اكمل بكالوريوس
هل حصلت معك معوقات لدخول الجامعة؟؟!
لا الحمد لله
* الجامعة *
شو تخصصك الحالي؟؟!
تكنولوجيا وسائط متعددة
مقتنع/ـة في دراستوا؟؟!
هو تخصص رائع والحمد لله لحتى الان امتياز
بس انا كان نفسي ادخل شي افضل من هيك
بس لعلو خير ،،،
مبسوط/ـة في؟؟!
الحمد لله
احكيلنا شوي عن حياة الجامعة؟؟!
عالم اخر ،،، بس بدك الصحيح المدرسة احلى من الجامعة بكتير
ع الاقل جمب الدار ما في مواصلات بتوجع الراس
المنهج بسيط وقليل
جو الجامعة اللي بتدرسوا فيها مريح؟؟!
كويس الحمد لله
شو التغيرات اللي صارت معك بعد دخول الجامعة؟؟!
اكيد بتصير تغيرات الواحد بصير عليه مسؤولية اكبر هيك شي
مشكور ع اختيــارك الي اخت بلستاين
^^