[لالا-فلسطين 48]

المشاركة الأصلية كتبت بواسطة amjad لا لا .. جد كلام ( عالوجع)..
بشغلي بتعامل مع ناس عاملين ( مكس لغه) نفس النوع إللي حكيتو عنو!!!
بس أنا بعرف كيف أتصرف:shababsmile233:
بعمل حالي ما بعرف ولا كلمه عبري .. حتى بأبسط كلمه .. يعني لو حكالي جمله وإنتهت بـ (بسيدر)، بحكيلو عيد كلامك من الأول ما بعرف شو يعني بسيدر:shababsmile225:
..:shababsmile240: لا لا ( روعه):shababsmile240:

كل احترام امجد!

من حقكا نو لغة مش المفروض فيك تفهمها وتتقنها، انك متتعاملش معها حتى لو صدرت من اللي قبالك وحتى لو من غير قصد منهم!


عفكرة زكرتني بموقف صار مؤخرا عنا في الكلية:

طبعا بما انو في عنا بالكلية محاضرين يهود واغلب المحاضرين العرب بتقنوا العبراني ويمكن، مش يمكن اكيد احسن من العربي، قام احد المحاضرين بارسال ايميل لجميع المحاضرين بالعبراني، حسب ادعائه اسهل انو يعبر عن حالو بالشكل الصحيح والدقيق باللغة العبرية، وكمان اسهل واسرع بدل من انو يكتب الايميل باللغتين.......

بس نسي انو كمان في عنا محاضرين من القدس الشرقية، رجعلوا احدهم بايميل بحكيلو فيو انو حسب سياسة الكلية العربية الاولى في البلاد، فيجب ان توجه التعليمات وتكتب كل الاوراق باللغتين، وهذا مناف للسياسة العامة!


طبعا اعتذر منو المحاضر الاول واعاد النظر في الموضوع........



والمشكلة الاعظم انو كل اللي حولي بحكولي اني كتييييير بدخل بحكيي عبراني، وبحكولي كمان "دخيل الله تخففي من استعمالك للكلمات بالعبري"، مع اني بحاول استعمل الكلمات الدارجة والمفهومة بين الجميع وبنتقد حالي ازا حكيت كلمة مش مفهومة للي قبالي، لانو بكون هدفي اني اعبر عن حالي بصورة ناجعة ودقيقة وسريعة تعتمد على المتوفر لدي من مصطلحات بشرط ان يفهمني الاخر!!!!!!!

انا عفكرة بشتغل على حالي انو بالندوات واللقاءات اللي حول اللغة العربية اني احكي عربي صرف، ما عدا لما انرفز!!!!!!!!!!!

كمان لما اجي اكتب بالمنتدى مرات بلقى حالي بخبص عربي عبري بس بنتبه عحالي وبتدارك حالي، بس المشكلة الاعوص لما بصعوبة القى كلنات عربية لبعض الكلمات العبرية!!!!!!!!!!!


حكيتلك؛ داء يصيب الامة وعلى رأسهم انا، بل انا صورة مبسطة لصور اخرى!!

والظاهرة مش بس عند عرب 48 ولا بس بالنسبة للغة العبرية، بل باقي الامم...

وبالرغم من كل ذلك فهو تصوير وتوثيق للواقع!


اهم اشي متتنازلش عن حقكك في التعامل بما يريحك!


تحياتي..
لالا-فلسطين 48.