[.:.!دموع الرحيل!.:.]

* عزيزاتي هل تقبلن السكن في بيت عائلة زوجك؟؟


* ام تفضلن الاستقلالية في بيت خاص لكِ؟؟


* وان كان زوجك وحيد والديه واكبر عائلته؟؟ماذا ستفعلين؟؟

أكيـد ما بقبل .. وبفضل الاستقلآلية ..

أو سآعتهآ بيت اهلي أفضل الي

لأنه ساعتهآ بكون مآخده حريتي أكتر ..

وإذا كـان أكبر وآحد .. انا شو ذنبي ... ؟

لمـا تجي فترة ويحتاجو إله أكيد ما رح اوقف قدام

بره إلهم بالعكس رح اوقف معهم انا كمان

بس انه تبدا هيك الحياة ..

لا ..

بعدين بدك الحقيقة انا ما بلاقي ولا إيجابية وحده بقصة السكن مع أهل الزوج !

لا من ناحية الحرية ولا الاستقرار ولا راحة البال ولا السعادة !

حتى وان كانو الجهتين ملائكة

بس في عنصر اساسي مفقود !

رح تقوليلي انه بتتعلم البنت من حماتها .. وبتساعدها حماتها بالولاد والطبخ والخ ..

بس كمـان هالشي ضرره أكبر من نفعه ..

الوحده ببيتها هي حرة فيه حرقت الطبخه .. نزعت الفرن

ولعت بحالها

ما حدا اله معها ..

اما لو ساكنه مع حدا .. ما رح تخلص من لسان الناس وتحس انها مراقبة على كل حركة

حتى بترباية الولاد ..

بقولو إذا كتروا الطباخين بتخرب الطبخة ..

وهالشي بنطبق ع ترباية الولاد !

..

برأيي الشقة المستقلة من أبسط حقوق الزوجة ..

وصدقي الزوج والزوجة رح ينحرمو من بعض الأمور

الي يمكن بعدين تدفع ثمنها الزوجة بأنه الزوج يصير يطلع لبرا !

..

بس برجع بكرر .. لمـا يحتآجو أهل الزوج للزوج لازم الزوجة توقف معهم قبله

وتسانده ..

بس هاي مجرد مرحلة بتكون

مش حياة أبدية ..

..

شكرآ يا حـلوة عالموضوع الحساس