[أم الوليد]

المشاركة الأصلية كتبت بواسطة sofya

* من متى انت عنا هون؟؟؟

يمكن ... 4 شهور .. بعتئد ما حسبتها منيح .. بس مدة مش بطالة

* كم نسبة رضاك عن المنتدى بشكل عام؟؟؟

والله حاليا المنتدى كتـــــــــــــــير نايم .. ممكن نحكي 80بالمية

* بتتمنى يكون لون ستايل المنتدى.........

أنا بحب .. اللون الأسود مع ... بس كمان هيك كتير نايس

* تقسيمة المنتدى بأفرعها محتاجة تعديل او إعادة تسمية برايك؟؟؟؟

إممممم .. لأ مش بطالة .. بس فينا نطووور أقسام بطريئة أحلى .. أو ممكن نضيف أقسام تانية

وبشوووف قسم .. وقت مستقطع .. مالو داعي .. سوري يعني ..بضل رأي

* صار ابل واجهت مشكلة مع مشرف أو الإدارة!!! وليش!!!

لأ .. وإنشاءالله عطووووووووووول


* قرارات الإدارة بتشوفها...(تعسفية غير قابلة للنقاش/ مرنة )؟

إممممم .. فيه .. بس بدوووووووووون ذكر ... ..يعني هلا بجد في مشرفين .. عائبين عن المنتدى .. وما بتواجدوا

أبدا .. ( طيب ليش ) هلا ممكن نحكي لغايب عزرو معو .. وفي مشرفين حاملين كل أقسام المنتدى .. وعم بحاولوا

جاهدين ... يعملوا أي شي لإرضاء الأعضاء .. طيب وين العدل .. في هيك شي .. والله أعلم بالبائي


* شي بتتمنى وجودو بالمنتدى!!!

في شغلات كتـــــــــــــتير والله ... بس كتــــــــــــــير حابة محمـــــــود يكون موجود معانا .. مو نتعامل معو .. بوسيط

وهاد شي بكرهو كتير .. إممممم

* كيف برأيك الإدارة تقدر الأعضاء وجهودهم!!!1

في مية طريئة وطريئة .... بس بلأخر بضل منتدى ..حتى لو صار في تقدير .. شو يعني

* أفضل قسم عندك؟؟

مافي قسم معين .. يمكن بميل لقسم جنائن الإيمان .. بس كلووو عادي بالنسبة إلي

* بس تفوت المنتدى شو بلفت نظرك أكتر(العنوان /كاتب الموضوع)؟

إمممممممممم صراحة الكاتب ... وبعدين .. بلفت نظري العنوان .. بس بعرف هاد شي غلط .. بس ميول


* أبيض x أسود:



- نقطتين بتميز فيها المنتدى وعاجبينك: (الأبيض)

إممممممم

بحب كيف هيك الأعضاء تعاملهم بين بعض متل كأنهم بعرفوا بعض من زمان
بحب كمان كيف أنو إزا غاب شخص .. بيفئدوه الأعضاء .. وهاد شي مابتلائية بكل المنتديات ..

نقطتين ..مش عاجبينك ومتدايئ منهم :(أسود)

هوا مو ئصة إنو مو عاجبني بس متل ماتحكي ... أنو الكل بيفهم غلط .. شوي مو كتير .. أو ممكن نحكي أنا ما بوصل

الحكي صح .. إمممم .. عادة فيا صلاة النبي ..


* معك وردتين:
الأولى...مشرف أو مشرفة...وليش!!

للكل .. بدون إستثناء

التانية...لعضو أو عضوة....وليش!!!

للكل ..كمان .. شو بدي أحكي لأحكي


* هل سبق مرة وفتت تفاجأت بموضوع معين وأسعدك أو دايئك!!!وشوكان؟؟وليش!!!


آه .. تفاجئت لما .. صاحبيتي .. ديالا ( أوتاركلماتي ) نزلت موضووع إلي .. إنبسطت منها
خلص السلافة موجودة في بارت ملتقى الأحبة ..

وفي سواليف كتير حلووووة بالمنتدى ..

* هل صار وموضوع قرأتو هون غيرك أو ترك في نفسك أثر!!!


إمممممم ممكن .. فيه


* تغير شي من شخصيتك من وئت فت المنتدى!!!

آه كتـــــــــــير ... حسيت أنو مستواي نزل بالدراسة .. لأنو أغلبية وئتي عالنت .. بس هلا أحسن

من السمستر الأول .. يووم السبت ببلش جامعة .. إنشاءالله حيكوون وضعي أحسن .. من أول

على ئد ما باخد بهادل من ماما .. شان دراستي .. ماما عندها إعملي أي شي إلا الدراسة ..

إممممممم إلا دراستي .. بس إنبسطت مني لما أخدت منحة للمرة التانية ..


* اعطي لنفسك كعضو تقييم من %
إممممممممم ما بئدر .. صعب أي شخص يقيم حالوووو طبعا.. التقيم لحضراتكم ..



* بتشوف انو الادارة بتاخد اقتراحتنا على محمل الجد!!!

ممكن بس لحد هلا مافي مشرف رد على إقتراحي .. بس أكيد عزرهم معهن ...

* حسيت مرة انو بدك تترك المنتدى!!!وليش!!!

آه مع أنو ما إلي فترة هوووووون .. بس خلص معروووف السبب



* كلمة صغيرة منك ...لملك!!!

إممممممممممم حبيت ملك كتــــــــــــــير وحسيتها هيك .. صبية طموحة .. وبنفس الوئت

كتير حساسة ..( بعتئد ).. وشو كمان .. حبيت شخصيتها .. كتير مثابرة .. بتسعى للأفضل .. بس حاطة في بالها

أفكار .. على أساس أنو مو بإيدها التغير .. وهيا بتئد تغيرها .. ( بعتئد أنك ما حتغهمي لشوو بدي وصل )

بس بدها كمان شوي

عاد إفهميها يا ملك


* ابل مانودعك...بدنا سر صغير ....اول مرة تعلن عنو هون بالمنتدى بخصك....

إممممممم ما بعرف هوا (سر) ... المهم .. أنا صبية كتير حساسة .. لدرجة ما بتتصوروها ..

بفكر لحدود عميقة جدا .. ماحدا بتصورها أبدا .. بتحسس من المزح .. وهيا عادة فيا ..من وأنا صغيرة

بتمنى أتخلص منها بس مو ئادرة . بتعمق كتير بالتفكي .. دائما قلقة .. إمممم ..

أحكيلم شغلة بس لا تضحكوووا

عفكرة وأنا نايمة .. رجلي لازم تتحرك .. مو عارفة ليش .. هو توتر ولا شووو بالزبط .. حتى وأنا ئاعدة .. ما برتاحلي

بال إلا إزا حركتها ( أهزها ) .. رفعتلي ضغطي رجلي من كتر ما بهزها .. هلا عم بهزها ..ههههه

مو عارفة .. ( بيحكوا توتر وقلق ) شو أعمل .. ههههههههه وبلأخص بفترة الإمتحانات .. هزات أرضية بالقاعة ..تحتي

ههههههههه من الآخر والله

..وبس

* كنت ضيف عزيز علينا....وشكرا الك عصراحتك...وقبولك دعوتي في خاااااااص مع ملك

يعطيكي العافية وأنا بشكرك عإستضافتك إلي يا ئمر

اول شي انا الي بشكرك ياااااااااااااسكره عوجودك هون...لافمهت عليكي منيح اطمني..بس انتي ادعيلي

وعادي ..دع القلق وابدا الحياة..هاد اسم كتاب كتير حلو..واكيده رح تستفيدي منو لو قراتية حبيبتي..

وادارة حطولي اسم فرفوشة..استعديييي