[اجمل احساس]

همممم
سؤال واقعي كتير ،،، طيب

انا طبيعتي ما باخد على حدا بسرعة مش انطوائية بس خلص ما بحكي شو ايلي جواتي لاي حدا الا اذا كان كتير بيعنيني وفي ثقة بيننا كبيرة كمان

بالنسبة لاصدقاء النت بس تيجيني اضافة بقبلها لاعرف مين ايلي ضافني للفضول مش اكتر وبعدين بلغيها

لانو بحس انو ما في مصداقية بالنت كلو من ورا شاشة ممكن يكون حقيقة وممكن يكون كذب ونفاق

طبعا اصابعنا مش متل بعضها وممكن ناخد راي حدا من ورا النت لكن بشكل عام وموضوع عام او سؤال مثلا لكن ما بمشي عليه بحياتي بس مجرد معرفة بالرأي لحتى نشوف تجارب غيرنا

ايميلي فيو ناس كتير بس تقريبا كلهم اصدقاء من جامعة او معهد او ناس بتعرف عليهم من خلال صحباتي مثلا

لكن ناس التقيت فيهم فيس تو فيس يعني بعرفهم

طولت بالحكي ووجعتلك راسك ملك بس لسه عندي حكي كتيييييير بهالموضوع لانو بعرف ناس كتير بيتمادو بالحكي والتعارف عالنت بطريقة بتخوف وما الها امان ولا امانة كمان ،حلوة هالجملة هههه ما بعرف كيف طلعت معي
يعطيكي العافية حبيبتي لا تحرمينا

خلص بكفي عنجد نازلة احكي